KERST 1994 VERTELSELS ROND DE BUUZEKACHEL Sukelademelk A. Goeman Me liep'n a een boerepacht bie mekare en twier tied da w' ins goene trouwe. Da wilden m' a eerder mè di wassen hin uus en toen kon ik dur ineens een koop'n op de Paeremart.Jie mö weet'n 'k wasse melkboer en 'k wil de 'n melkwienkeltje begun'n, en dat uus was ter nae een verbouwing wè geschikt voe. Noe, 't kwam zovarre, ik hienge bie de melk langs de deu ren en de vrouwe stoeng achter 'n toog. 't Was toen nog gewoon verse melk zo van de koeijen. Ka vier boe ren die an sochens vroeg rechtuut nae 't melken de melk bie me tuus brochten. Ze storten z' over in mun melkbussen en ik leurden ze uut. 't Gieng aoltied hoed op 'n enkele keer nae. A ter 'n koeje 'ekalfd aa durven der wer is één de melk te vroeg bie den aoren kap'n mie ge volg a de melk in mekaren liepik kreeg dan geduvel mie de klanten. Mè over 't algeméén hieng tut hoed. 's Maendags saevens nae 'n eet'n hoeng ik betael'n. Ze weunden aele- mille in 't durp dus ik stapte op mun fiets en kon ze ael in èèn aevend of- doen. 'k Za beschrieven oe a tat hoeng. Komme bie den eesten: 'Vollik,' riep ik bie de achterdeure. 'Kom me deur.' 't Was aaltied gezellig. Zö me betae- len en wig wezen hoeng nie deur. 't Was winter en verrekt koud. De kachel bran'n lekker en di wier epraat over de koeijen; blaerkop was tochtig en die most ni den stier, of de pries van de petaten was wee niks en de terve viel ok a nie zö mee. De vrouwe zurgde voe 'n lekker kom metje sukelademelk bie 'n beschuutje da dee'n ze altied en ik dronk toch we 'n baksie mee? 'Asjeblief vrouwe.' Dan betaeldenik en hieng ni de vol gende klant. Wee 'n gezellig praatje over dezelfde onderwerpen. En de vrouwe schonk onderwiel 'n baksie sukelademelk in. En je voelt het a ankom'n, bie den derden was twee van 't zelfde. En die boerekom'n wassen echt nie zö kleine. Bie den vierden en lessen zeg ik: 't Is a 'n bitje laete, kè eigenlijk hin tied mi, me di kwam niks van in. 'Asjeblief,' zei de vrouwe, 'jie drienk bie die kouwe eest mèr is 'n lekkere bak êête su kelademelk; kè ju komme a g'reed ezet.' 'k Kwammer nie onderuut. Mè zachtjesan kwam de sukelademelk mun neuze uut. Gelukkig ak hin mêêr le- veransiers docht ik toen ak ni ruus ree. Ik komme binne en doe mun jas uut. 't Was hoed werm in uus. 'k E de kachel hoed opestookt,' zei mun vrouwe, 'kruup ter me lekker achter dan za'k je gauw 'n êête bak sukelade melk brien'g. Ik docht di zat'n wè zinne in ên bie die kouwe.' 27

Tijdschriftenbank Zeeland

Nehalennia | 1994 | | pagina 29