KRÖÖNJAER
Jan Zwemer
René is mêêstal noga maetig.
Daerom keek ik er een bitje van op as ik 'n
om 'alf negene op een aevend van de weeke
uut café zag komme. Glad een bitje vrolijk,
fiets an de "and.
Affijn, je begriept wè, 'k was t'r zö bie.
'Ha die Jan, je bin net te laete, anders ao je
d'r êên van mien kunne neme 't Was
duudelijk, René ao net een rondje gegee.
'Een volgende keer dan, ee.'
Hee, René ao linters an z'n stuur.
'Dat za nog wè even duure. Króönjaer is om
de vuuf jaer toch, ee
'Aha, gefieleseteerd 'oor En ik stak m'n
'and uut. Vreemd, René was wè ouwer as
mien, mè zou d'n dan a veertig weze Ik
wier uut den droom g'olpe. 'Ik bin 't nie
Jan, mè m'n fiets. Ie is twintig g'oore. Me
bin twintig jaer bie mekaore, kan 'k
misschien beter zeie.' De fiets rienkelde z'n
belle om 't te bevestigen.
'Da gae noga.'
'Da gae zeker noga. Mee niemand zó lange
saemen geweest. Tine eit mèr een paer jaer
geduurd. Astrid dat weetje, die was gevloge
in tieds van vier maenden. Mé dezen, m'n
ouwen... Nêê, ons kun mekaore nie misse,
ee.'Ik keek is goed. Zö'n stevige zwarte
fiets die as agauw nie op te lichten was. Een
doekje mee een knope d'r op an den as bie
elk wiel, om ze netjes schóón t'ouwen. Hé,
dat doekje ao 'k meer geziee. 'Is dat noe
nog dien fiets daer asje mee nè schööle
fietste
René glorieerde. 'Jazeker. Daer 'k 'n lere
fletse. Nè Stad in weer en wind. Dan me
kilometers gemaekt. En laeter.Agauw
twêê keer de wereld rond as je 't op zou
telle...' Dat optellen was wè nöödig, want 'k
ao nooit g'oore dat René buuten Walcher
geweest was.
'En noe én je geféést...'
'Jan. óf me geféést 'ebbe. Ik een vrieën
dag genome van 't wérk. Vanochtend bin
me nè Zoetelande geree daer as me saemen
is een ongeluk g'aod 'ebbe. Saemen op een
terrasje gezete. Vanmiddag twêê nieuwe
banden d'r op en dan over den Veersen Dam
weze riee - bovenover en onderlangst wi
terug. En noe een stuitje om een borrel.
Króónjaer is kröónjaer.' De fiets bloenk
zömè van geluk en René nie minder. 'Alia,
dan gaen me nog even terug om een joenkje.
Jie bin tenslotte nog getuuge geweest.'
'Getuuge, ikke
'Jae, je wist toch nog da me saemen nè
schóóle reeë Dat waere de
wittebroodsweken, 'oor.' En René boog een
bitje nè voren.
'Ee, ken je die meneer nog
't Was net of ik iets zag bewege an de fiets.
'Kom mè, 't is fêêste
'Oe laete as 't was a'k wi buuten stoeng wete
'k nie. Mè de fiets stoeng d'r nog. Ie keek
langst 'eene me nè binnen as de deure open
zwaoide.
'Komt 'n nog nie
47