In't zunnetje foenkelen paêreltjes dauw
Een wertel vlieg op mie gesnaêter
De rietpluumen wiegelen hissen en weer
En 'n puut sprieng mie 'n ploengs in et waêter
Een koppespinn'nett' is een kunststik apart
Je zie tet in 't zonnelicht blienken
Bedauwd zit in 't artje de spinne op wacht
Ie oopt op een próóie, een flienken.
Een schootevis schuult in et lichtgroene kröös
In 't goskantje roef len twi vienken
De liester in 't vleerbosje ziengt onderduut
En lit rollend aria's klienken
De schaé van de böömen schuuf langzaam veruut
A 't zunnetje ööger gaê stiegen
't Is aal bie mekaaren een têêken d'r van
Anim' een êêl móóie zeumerdag kriegen.
Bei Cok
52