BROUWERSHAVEN
Loapende du Brouwersaeven
dienk uk nog wel us terug,
an de tied die of verbie is
want de jaeren gae zó vlug
'k dienk dan an de sukerpeeën
staepels rondom voader Cats
an kikkers in salamanders
toen de paddulve dur nog was
die je zó gezellig zocht
in an 't zakje meel
datje bie dun bakker brocht
want dat was dan vö je broodje
soms gieng je kuire over 't ootje
mit 10 olienootjes in je zak
of un middag nae den Osse
lope op je dooi gemak
je gieng ök wé us langs 't Keepje
langs de Bulke of Jonkersdiek
di was oalles toch zó prachtig
mit wilde blommen, errig sjiek
viooltjes in ök koekoeks blomme
die je di noe nie mer ziet
om te spelen was tur vó de kinders
toen ök lang nie oaltied tied
want we moste gomet pelle
soms sochens vroeg, dan saevends laete
iedre cent die dee mee telle
in oalles was ma mondjesmaete
van vekansje in toeristen
deavan je toen nog nie van oord
nee je gieng toen krukels raepe
of een zootje vis bie de vissers an boord
in 't naejaer gieng je braemen zoeke
in de Galgenblok of Borrenbrood
je öörde soms dun tram dan tjoeke
Wie ei di noe nog van oord
as Apollo un aevend speelde
hostte je dur achteran
in bie un aevend van Floralia
dan kon je di ök wé wat van
êêl vee diengen bin veranderd
ieder tied ei zun goed in kwaed
ma je dienkt wel us an vroeger
asje du de Brouwse straeten gaet.
Dichter onbekend, mogelijk Joh. v.d. Weele
ca. 1930
45