MEE DE BUS OP PAD NAO NOORD-FRANKRIEK R. Willemsen 't Was 'êêl de weke a vrêêd wèrm gewist. Temperaturen van boven de dertig graoien. En iederéén die op de reize nao Franriek ao ingeschreven, keek vanaf diesendag goed op de tillevizie nao tweerpraotje van twintig over achte. 'Oe zou da op 't ènde van de weke we nii ziin?' Mao da viel gelukkig mee, wan binst de weke wieren de tempraturen toch wao draogliker en op zaoterdag was 't 'êêl schappelik weer. 'n Effen blauwe lucht en een lekker windje uut 't noordoosten. De bóót was schoon op tiid in Bresjes en dao stoeng de bus a te wachten. De êêste ménsen kwaomen a van de brugge en giengen bots de bus in. D'r was t'r êêne, die a selfs a z'n paspoort in z'n 'ann'n. Die docht da de chaffeur d'r êêne van de douane was. Die was zeker nog nii al te dikkels in 't Land van Kezand gewist. (Mao laoter bleek, dat 't 'n iengelsman was die in Vlissiengen op de verkêêrde bööt was gestapt.) 'k Dochten bie m'n eigen: Rinus, oppassen joengen, wan zukke trokken kunnen joe ook overkomm'n 'óór. De bus was vlug gelaoien. Iederéén wou bie 't raom zitten, mao da wier toch al rap goed geregeld. 'A je hie in 't deugaon an 't raom zit, dan kanne hie strekjes an 't gangpad zitten'. Op dien voege wier t'r toch we 't mééste akkoord gemaokt. Verbie Brugge stoeng onze gids voor dien dag, 'Ugo Rijckeboer, ons op te wachten. Die stoeng ook a mee z'n ogen te knipperen toch a die ons in 'n Belgse bus zag zitten, mao d'orgaonisatie zei da z'm da nii wouen andoen: 'n dag op stap gaon mee 'n vrèmde bus. 'Ugo ao a rap de microfoon te pakken, die die trouwens d'n 'êêle dag nii mêêr zou loslaoten (be'alven dan onder 't eten en vèder buuten de bus natuurlik). Percies om twaolf uren stoeng me neffest generaol Dienges boven op de Kasselbèrg. 'Oe dat dien generaol no 'êêtende, kan noe nii zeggen, wan m'n fototrolletje is nog nii ontwikkeld. Voo generaols 'èn altiid al iets had, daorom wil 'k altiid mee zukke mannen op de foto. Daor 'èn 'n 'êêle verzaomelieng foto's van, thuus. Dus kwam noe 'êêl goed uut, dan 'k op dien zestiende meie generaol Fouchet tegenkwam. In d'n Êêste Wèreldoorlog stoeng die 'ier op d'n Kasselbèrg die zaoken in de gaoten t' 'ouwen. Zóó 'n twintig kilometer achter 't front. O - "Vfeta» B«W «p? - - Soukou© St. Ornaat» Joott west-Franc NtsvS! ondê M Op de Mart in Kassei 'èn me 'n boter'ammetje geten en vèder in de buurte rondgereejen. 'Ugo vertellende 'onderd uut over de streek, 't volk en udder doen en laoten. Die ként da gebied dao as z'n broek zak. En wudder mao kieken, nao lienks en rechts, nao voren en achteren. Je 'ao bienao géén tiid om wa mee je buren te kletsen. In Sint-Omaars goengen me uut de bus en stappende me 'n uurtje deu de stad. Êêst nao de kathedraol, dan deu de wienkelstraoten trug nao de Mart. En dan kwam eigentlik de klapper van d'n dag: ménsen gaon opzoeken die nog Vlaoms praten daor in da noorden 48

Tijdschriftenbank Zeeland

Nehalennia | 1996 | | pagina 50