DE MANNEN OP D'N OEK
Marien Geuze
De mannen op d'n oek,
ze staen d'r mi z'n zessen
in d'r daehse hoeie hoed
in te zwiehen in te klessen;
wat d'n énen noh nie wist
kan d'n aoren m' vertelle:
over de paeren van Jan Kwist
of die meid van Pier van Belle;
de leste fratsen van de Raed:
wat d'n Burher dae dost zehhe
in oe in boeretael in maet
de mééster 't kon weerlehhe,
dat'r nie vee van deugden
slechter zelfs dan ööit 'm eugden;
oe a zeker d'n ontvanger
't in z'n eihe zak hestoke,
oe a die noe toch nie langer
zo z'n eihe pot kon bluve koke;
oe a Eintje mit het straopen
z'n lichtbak ao verlore
in benauwd vö 't kotje in d'n toren
ieslik ard motte laope.
In ze haene pas naer uus
bie de torenslah van zesse
tuus bie't bróód zwieh dan d'n énen
in d'n aoren hae nog deu mi klesse.
44
