DE FEKANSJEGANGERS D.K. Soldaat-Poortvliet "Snap joe daer noe êên dieng van? Hier, lees joe dat noe is." In Teun Meule schoof 'n brief nae z'n vrouwe toe. "Wat zal dat weer weeze", docht ze, "zeker weer 'n kroo vrimde lui over de vloere". Ze had d'r niet zuvvel zin in, dat d'r man altied allerhande ménsen verzocht om's an te kommen. In jewel oor, net zukken wèrk;'n ouwe schoolkammeroad vroeg of 't goed was, dat 'n mit z'n vrouwe 'n weeke nae heultje toe mocht komme. Hie wérkte bie de krante in most iederen dag, 'n weeke lang stikjes schrieve over 't eiland. In omdat z'n vrouwe nog nööit op Flakkee geweest was, kon die dan meekomme. 't Was nogal niks. Net in de tied dat de aerebezems riep wazze in de bramboezems. In dan most geweckt worre, in ze most zjem kooke. Wat most ze noe mit twêê van die vrimde snoeshaenen? Teun was 'n beste vent maar hie docht noe nööit 's om heur. "Wanneer komme die? In wat mot dat méns hier dan doewe, as d'r man beezeg is mit stikjes schrieve in de durpen ofplonse? Je heit zeker gezeid, dat hie mar 's na hier most komme?" Lena keek d'r man an, die 'n beetje gek op keek dat z'n vrouwe zoo uut viel. Ze vond 't altied wel 'n ofwisselieng vreemde ménsen om d'r heen. "Jae", zei 'n, "ik sprak 'n 'n keer toen 'k nae 'n vergaering most. Hie was daer ook voor de krante. In toen zei 'n dat 'n naer hiertoe most. In dat 'n in gêên 10 jaer hier geweest was, want hie had gêên femielje mêêr. In toen vroeg 'n of z'n vrouwe ook mee mocht, want die was nog nööit hier geweest" "Dienk joe noe nóóit 's d'r oover, dat ikke voor alles opdraoje? Zurge voor kofje, thee, eeten. Heulje hao gas, mar ik mot alles op de kachel doewe in mit petrooljestellen. In ik mot zurruge dat d'r overal weer alles schóón is. In bedden opschodde. In as ze weg binne weer deekens buuten brienge in laekens in sloapen in handdoeken wasse. 't Komt allemaele op mien kop dun." Teun kiek d'r 's an. Was ze noe echt kwaed? Ze vond 't toch ook wel een ofwisselieng hier zo buuten durp? "Jae, dan zal'k motte schrieve, dat't niet kan.In hie keek zo bedrukt nae d'r, dat Lena in de lache schoot. "Och gekke 29

Tijdschriftenbank Zeeland

Nehalennia | 1997 | | pagina 31