gebakken. Dan 'aoje beschuutbollen. Die
mosten deugesneeën worren. Dan wee in
d'n oven biegekleurd. Dan mosten ze in
mannen of in d'n oven gedroogd worren.
Dan in zakken van papier wieren d'r tiene
ingepakt. Die wieren dan vee geleverd an
wederverkööpers. Af en toe beuterkoekjes
van boerebeuter.
Van d'Amerikaonse blomzakjes wier'n
zöögenaomde kluutjes gemaokt om 't dêêg
op te leggen en ook we bakkersloven
maokten me zelf.
Bolletjes dêêg wieren op de bestoven blikjes
beleid mee witte blomme tegen 't plakken.
Laoten riezen mee 'n 'aore kwaste, wa
bakkersolie d'r op doene, dan mee j'n 'and
(de ziekant) een heule d'r indouwen,
okêêren, laoten riezen en dan op 'n plankje
omdraoien, op d'n ovenpaole leggen en in
d'n oven steken.
Gaor ziende, mee d'n ovenpaole wee d'r
uuthaolen, de blomme d'r afvegen. Zö
wieren ze verkocht voo 4 cènt 't stik.
Van zoeten dêêg mieken me drollen,
paptoarten, vouwtjes mee röóm d'r mssen
(roombroodjes), rezienekoeken,
beuterkoeken en vollaors.
De drollen (noe bolussen) maokten me a zö:
èndjes dêêg van 'n 'alf onse gerold, even
laoten riezen, dan uutrollen in brune suker
waor a t'r wa kanêêl deu gedaon was tot
zö'n 30 cm. D'uutènden vastpakken, dan op
lienker- of rechter'and platte roonde
draoien en 't leste puntje d'r ondersteken.
Dan alles op de bakplaote leggen, die mee
olie ingesmêêrd was mee 'n kwaste, laoten
riezen en dan afbakken, lossteken mee 'n
plamuurmes en omgekêêrd op besukerd,
vetvrieë papier leggen.
Van 'n zoete dêêg komt hier 't recept: 1 1.
melk, 16 onsen blomme, 1 onse suker, 30
gram zout, 1 onse beuter. Dan kneeën tot
dat niemêê an j'n 'armen mêê plakt, 6 onsen
rezien d'r deu doen. Dan was 't klao voo 't
riezen. Dan nao 'n tiitje verdêêlen in
bollejtes, op de bakplaote, besmêêrd mee
olie. Dit alles 'n bitje platslaon, strieken
mee 'n 'aore kwaste van wa eiers mee melk
geklopt is, wee laoten riezen en afbakken, 't
Liefst de rezien'n gewassen in lauw
waoter, 'n bitje laoten wellen, 't Is beter
'öör as ze op ziften uutgelekt ziin. Wa
blomme d'r overströöien, roeren en dan
deur 't dêêg doen.
Dan mieken me nog sossizen van minder
zoeten dêêg. Wee êêst lange endjes rollen,
even riezen, 'n heultje d'rin doen mee de
rik van j'n 'and. Dan 'n endje vèrkeswoste
(pilletjes rollen!) d'r indoen, dichtvouwen
en goed sluten. Op de plaote doen, èndje
van mekaore, wee strieken, riezen,
afbakken en klao bin je.
Peperbollen, peperkoeken, moppen,
spikkelaois, beuterletters, kerstkransen,
nieuwjaors-sukerwaofeltjes, dêêgvinters, da
bakkenden rn'ook ammaole, Vee wérk was t
'r an zujje!
Vullieng voo de letters en kransen
miekenmóok zelf van amandels, suker, eiers
en citroenenrasp. Daor 'aon me 'n
walzenmeule voor om ze te pletten enfien te
kriegen. Marsepein deeën me ook zelf 'öör.
't Brööd most fanself in dien tiid nog we bie
de kalanten bezurgd woren. lelken dag. In't
durp dee je da mee de fiets. Voorop stoeng
'n begaozjedraoger mee 'n bakkersmande:
'n vierkanten mee 'n deksel, zöö'n
gevlochten witte mande.
A 't vee regende wier je daorom we
strontnat öör. Zöó zeien ze dat vroeger, 't
Was nii anders, ee.
Nao de buten ee, zöö gezeid de boeren en
èrbeiers, brocht me Vaoder dan laoter mee
'n tweêdeandsauto da brööd, boodschappen
zööas suker, aziinolie, snoep, zout toebak,
sigaoren, sigaorette enz.
Beuter en eiers kocht ie wee bie die boeren.
In dien tiid was 't 'ard wérken en weinig
verdienen.
En daarmee sluit bakker De Vlieger van
Bresjes z'n verhaal af. Zijn er nog andere
bakkers, die ook hun relaas op papier willen
zetten voor Nehalennial We zien graag hun
inzending tegemoet.
20