TWEE VERHALEN UIT HET LAND VAN CADZAND
door Prof. I.C. van Houte
'n Praktezeerder
Machiel Planke 'ao nao z'n trouw'n al z'n jaoren schilder gewist op Keizand. Ie was noe 65 dan.
Teeg'n z'n 65ste 'ao tie teeg'n Rine gezeid: A 'k 65 ziin, schéén 'k d'r mee uut't 'ei dan wel gewist.
M'èn 'n paor cènt'n en mie dien AOW zun me a me z'n bitje niep'n, d'r we kunn 'n komm'n.
Rine von 't goed. As ze maor in d'r 'uus mochte bluuv'n. A we, da wou Machiel ook. Zóó ver-
kocht'n ze udder zaok mie al 't allaom en zöö bleev'n ze wao ze waor'n, tussen de buur'n as van
ouds.
Machiel 'ieuw z'n 'ofje, in 't schuurtje 'aod ie noe z'n praktezeer'oekje wo de vroegere vèrfwien-
kel was en in 't vèrkeskotje bleef tie z'n vèrkje 'ouw'n.
De kinders waor'n de deur uut, vuuve. Allemaole goed gebróód. Jao, Machiel 'ao nie mie z'n rik
noa Rine toegeleg'n; ie was 'n nèstig vintje, 'n braove joeng'n en Rine was ook 'n goe méns, 'n jao-
zegger zöögezeid, altied klaor om 'n méns t'elp'n, die Machiel nóóit iets kon weiger'n.
Machiel was 'n praktezeerder. Zóó wier tie op Kezand ook genoemd. Nie om 'm uut te schell'n.
Nêê, 't was mêêr 'n 'êêrenaome. Som-
migte gieng'n zöövèrre, da z' 'm Ma
chiel d'n uutvinder noemd'n. Altied 'ao
de iets onder 'ann'n, dat ie voo 't
gebruuk wou verbeetr'n of dat ie
schöónder wou maok'n.
Om iets te noem'n. iets a van direct nao
udder trouw'n was. Achter in de gank
'aoj an d'êêne kant 't keukentje van
Rine. Toen zei Rine nog 't Kotje. Dao
stieng zóó'n klein fornuisje op vier
póót'n mie bov'n op in da kachelgat ien-
kele rieng'n waomee je da gat gröóter of
kleinder kon maoken nao gelang de
gróótte van je ketel of je castrolle. 't
Wier mee kool'n gestookt, 't gas kwam
'n tied laoter.
Mao Rine was in da kotje nogal 'n kêêr
uut 'r 'ameur. Z'ao dao vee last van val-
winn'n. En op 'n dag kwam z'uut d'r
kotje en nog a dul riep ze tegen
Machiel: Mao noe is 't toch 'n 'inder.
Golv'n van róók en 'n vlamme sloeg'n
onder uut da gat van 't fornuisje en noe
drief d'n bitter deu m'n kotje en teg'n
m 'n schdone gerdien 'n. 't Is vèregaon-
de. 'k Kan we wee beginn 'n mee
schöönmaok'n. Is dao noe toch niks nii
an te doen
Alm, zei Machiel, 'n kêê dienk'n.
Een pottebuze op de schouwe tegen de valwinn'n. D'n ander'n dag zei de tegen Rine: 'k
38