achter zocht. En Nathalie 'iew d'r ann'n d'r 'êêlemaole nie voo, hè nêê toch! En ook nie altie prom-
beer'n om d'r klêêd over d'r kniej'n te trekk'n. Nèrvest voo nöódig. 't Was of ze docht: Ai wa ziet,
dan 'eit daorom nog nie...
'n Kêê zat Sak bie de taofel de Maldegemse krante te leez'n. Natholie kwam neffest 'm staon en lei
d'r èrm op z'n schouwer. Dao gieng 'n scheute deu z'n lief en zonder érge lei die net as 'n katte z'n
'öófd teeg'n d'r poezelikk'n èrm. Ie wie r 'n bitje draoierig in z'n 'ööfd en 'êêl kleine zwêêtdrup-
peltjes kwaom'n op z'n voor'ööfd. Inêês kreeg tie zinne om in d'r èrm te biet'n, 'êêl zachjes van
zelf, mao toch! En dat kwam ook en vooral deu da ruuk'nde goed dat ie noe van vlakbie opsnoof.
In Knokke 'ao tie ook wel êês zöö iets gerook'n as 'n Belgse madam 'm passeer'nde, mao da was
deu de wind mao 'n öög'nblik. Mao noe, Nathalie dichtebie en z'n 'ööfd op d'r èrm. Ie raok'n wa
van z'n betutter en ie gieng vrikkel'n op z'n stoel. Ieder mie 'n bitje verstand begruupt da. Tuus op
't 'of was 't zöö proop'r d'ai van de vloer kon eel'n, mao 't rook t 'r altied nao groene zêêpe en kèè-
remelk. En noe bie die Nathalie in 'n wolke van da lekkere ruuk'nde goed! Da Sakje was kompleit
z'n zelv'n nie mêê. deu da sturm'n van Nathalie. En Nathahlie? Docht'n judder soms dat die zöö
weinig van 't uus'ouwen afwist, dat die nie mérkt'nde da 's scheel van de panne an 't ruttel'n was
noe d'èrpels an de kook waor'n? 'n Vrommes 'eit da gauwer in de gaot'n as 'n manskèrel begin te
liej'n. Nathalie trok dan d'r eig'n wa t'rug en zei zöö iets van: Sak, 'n tieterje of 'n tas kaffee, of
gaon me nao 't stammeniee?
Ze was 'êêlemaole d'r zelv'n en Sakje was t 'r 'n kwartier laoter nog nie overêêne. Zöö 'n soor-
temènt onweersbuuje kwam elk'n zaoterdag en zondag 'n paar kêêr opzett'n, mao de buuje brak
nööt los, tenmèns'n. da gelööve kik, mao d'n dunder was wè vlakbie.
'n Kêê 'ao Nathalie gezied: Mao Sak, zou je gie nie 'ier komm'n weun'n joeng'n?
Sakje verschrok d'r van. da ze da zöö ma inêês zei. Ie 'ao daor ook dikkels over gedocht. Mao dan
zagt ie ook inêês z'n ouwste zuster staon mie d'r èrms over mekaore en dan 'öörd'n die asof 't wér
kelijk gebeur'nde: Bè Zóó joe part zeek'r nao da wuufin MaldegemWao dienk je gie over,
duts van 'n vintje?
En z'n ouwste broer 'ao niks gezeid mao ie 'öör'nd' 'm zegg'n: Gaoj gie zurg'n da mèrg'n al de
bêêt'n d'r uut komm'n?
Ie krauwd'n êês in z'n 'aor en ie gaf Nathalie gêên antwoord en da was z'n geweunte nie, mao
Nathalie begreep 't. En 's maondags zat Sakje weer as gewoon in de grond te vroetel'n of bie die
koe die kalv'n mos. Da noe gieng zöö al ienkle jaor'n deu. Mie j'n klein verschil. Wan ieder jaor
gieng die vier nacht'n achter mekaore nao Nathalie, nêê verstao me noe nie wee a verkêêrd; nie vier
nacht'n apart nao Nathalie, mao wè vuuf daog'n achter mekaore en tegaore vier nacht'n. Ze kunn'n
in di land ook wel 'n kêê mie opzet stom doen.
Da was dan êên kêê in 't jaor mie kamaoval. 's Zaoterdagmiddags en 's weundagsmorges mie d'n
êêst'n tram wee t'rug. Da was vaste pree. Teeg'n d'n aov'nd in Maldegem as de leute dao behost
te komm'n. 's Zondags nao de middag d'n optocht mie meziek. En diesendagsaov'nd om twaolf
uur'n stopp'n. Dan begos de vast'n mie asweunsdag, netjes gezeid. Om twaolf uur'n waor'n ze tuus
en dan gaf Sakje z'n portefulje an Nathalie.
Ie, meis'n 'aol d'r maor uut wat 'r inzit, alles voo joe, 'n paor cènt'n voo mien voo d'n tram t'rug.
- 't Is aol te veele, zei Nathalie dan gie ziet toch zóó 'n goeie joeng 'n Sak.
- A, me zien toch as broer en zuster, is 't nie? zei Sakje dan.
En Nathalie nam alles, 'n 'êêleboel en Sakje 'aot 'r toch de leste daogen nie flauw mie gewist. Toen
gieng'n ze slaop'n.
Sakje mie d'n êêst'n tram mee en toen was Nathalie a nao de kérke. Dao stoeng ze op. 'n Kêê 'ao
Sakje d'n tram gemist. En toen die t'rug gieng was Nathalie a wee tuus. Z'aot 'n klein kruusje op
d'r voor'ööfd van ass'n, dat 'ao de pastor d'r op gestempeld. En da wou Nathalie gèèr'n, a zei ze 't
40
