- Mie rooi èèrde móói gemaokt, menêêr, zei Sakje teeg'n d'n douane, 't Gelach onder da kootje was
noe nie van de lucht.
- En wa zit 'r in da papiere beusjevroog de douane. Die vint begost d'r ook leute in te krieg'n.
- Ah menêêr, oppassen asjeblieft, zei Sakje, da 's 'n muulbakkes.
En dao kwam 't voo d'n dag.
- 't Is 'n bitje geschonn'n. Veljaor 'eit 'r 'n Belgse madam in 't ge drum 'n öóge uutgestóót'n. Da
's zonde ee
En toen zett'nde Sakje mie twêê 'aokjes achter z'n öör'n dat affair'n as 'n bril voor z'n gezicht, 'r Grööte
neuze en dan êên öóge bloot, en nog altied ook de pinnemutse op. 't Was of 't kamaoval in d'n tram a
begonn'n was! De ménsen schrêêuwd'n 't uut en Sakje voel'nde z'n eig'n 't middelpunt van de leute.
- 'k Dienk'n, zei de douane, dat alles wa vrouw is in Maldegem maondag as vlieg'n op joe afkom
sturm 'n.
- Nie nóêdig, menêêr, zei Sakje, 'k 'ène kik gegoegt an Nathalie.
- Ah, is 't zovère a gekomm'n? En wat zit 'r nie in dat gróote papier?
- Menêêr, da 's 'n kalle, geslacht voo m'n famielje, gepluumd en geschoeperd, ee?
- En in die dööze dao, die schoenendóöze?
- Eiers, menêêr, 26 eiers.
- Ook voo Nathalie?
- Ah jao, menêêr, zei Sakje, al naor 't uukomt.
De douane stieng 'n öög'nblik nao te dienk'n. En toen zei tie: Noe maok je 't joe en mien ook toch
moeilik menêêre. 'k 'En gevraogd bie 't binn 'nkomm: Iemand iets an te geev'n? Gêên mens zei wa.
En kom ik 'ier en gij hebt ook niks. Mao g'ao pertant nie vee goeste om de koffer oop'n te maoken.
En noe komt 'r dat alles uut, om zóó maor in België in te voer'n.
Ie 'aol'nde '11 klein boekje uut z'n zak en 'n èndje potlood.
- Da kost francs menêêre. 'n Boete voor 't zwieg 'n en 'k moet die levensmiddel 'n in beslag neem 'n.
'k Mag da niet toelaot'n.
De douane keek noe nogal eff'n.
- Mao menêêr, zei Sakje verschrokk'n en ie dee z'n muulbakkes af, 'k wiste kik da nie. 't Was voor
ons eig'n om op t'eet'n. 'k 'Aon da gèèr'n laoten zien, dao zat dao ommerst niks in. Toe menêêr,
kunn'n me da noe nie geschikt krieg'n?
De douane zei niks. 't Was noe inêês doodstille in d'n tram. Dien 'Ollander begost nog wè over
schikk'n te praot'n.
- Ah menêêr, zei Sakje wee, en 'oevee moe da dan wè kost'n?
- Lao m'êês kiek'n, 70franc boete en dan neem 'k ook al dat eet'n in beslag. Ge zijt nie braove
gewist, menêêre. 't Was toch duudlik genoegt ee?
De stemme van de douane bleef afgemeet'n.
- Menêêr toch, begost Sakje wee, as je gie noe. êês die eiers neemt, kunn'n 't me dan nie zóó laot'n?
't Is toch kamaoval menêêr?
- 26 eiers? 12 eiers betaol'n en d'n dèrtiend'n op de kóóp toe, ai 'm mao wil betaol'n. En de 24
kriegt ge d'r dan twêêje bie, as ge ze ook mao betaolt ee? zei de douane 'n bitje lach'nde weg.
De mèns'n kreeg'n wee leute. Dien douane 'ieuw dien 'Ollander d'r goed onder. En Sakje zat in
d'n pruts'n
- 't Is toch èrg menêêr, vuuf guld'n boete en alles kwiet. En dan komme kik bie Nathalie mie leeg
'ann 'n. En da mie karnaval! Kan d'r nie 'n bitje compassie af, menêêr?
De douane speeld'n z'n spil goed. Z66 eff'n as 'n sneetje fien bróód, mao toch z'n lipp'n 'n bitje
gekruld zei: Allee, 't is karnaoval, voor deze kêêr dan. Pakt de boel maor in. Mao past op voo de
volg'nde keer ee?
En toen gaf tie 'n knipoogje an Louis en riep nao buut'n: Nao Maldegem,
42
