Sakje 'ei op zien manier wee karnaoval gevierd. En Nathalie 'eit 'm weer al dien tied bie 'eur g'ad.
Z' 'èn allebie wee vee schik g'ad. Oe? Da kui van dienk'n wa j' wil. Jao, daor zegt 'r êêne: Ai j'al
les wist wat 'r in d 'n doenk 'r 'n en achter de gordiin 'n gebeurt, je zou 't nie kunn 'n omt 'ouwen. Da
's 'n goed gedacht. Mao daor is 'n beet'r'n: Ai j'alles wist wat 'r in d'n doenk'r'n en achter de gor
diin 'n nie gebeurt, je zou 't mie z'n tweej'n nie kunn 'n omt'ouw'n.
's Weunsdagsmorg's mie d'n êêst'n tram gieng Sak weer as geweunte naor uus. Toen die langs de
Suusandsestraotewegt te voete naor 'uus liep, docht ie bie z'n eig'n: 'k Bin toch mao sluts in m'n
bêên'n, van al da dans'n en sprieng'n.
Op 't 'of angekomm'n, zag tie net da z'n zuster d'r eig'n gerêêd maokt'n om d'èrpels af te giet'n.
Ze draoid'n d'r om en riep: Ah, daor 'èn me d'n bombazjoerd'r ook wee. D'n 'aone! Da wuuf ei
zeek'r wee wè 'n paor mooie pluum'n uut je stèèrt getrokk'n? En je zwuifelt zóó, 'ei je zödveele
geleej'n? Trek je daogs'n broek maor an. 'n Schóón over'èmde ligt 'r bie. Me gaon daodlik eet'n.
Sakje gieng nao z'n optrekje en stak z'n koffer weg. Zachjes zei tie teeg'n z'n eig'n: Vaoder zei
altied, toen die nog leev'nde: Ai alle daog'n 't zelde waor'n was t 'r ook gêên verschil. Ie 'ao nog
gliek ook. Mao Nathalie, m'n 'oene, over vier week'n ziin 'k d'r weer 'óór.
D'N 'OND VAN KEESJE BLOM
Ahn, jao, jao da was 'n gedoente mie dien 'ond, 'n prènte. 'k Zan 't 'n kêê vertell'n. Maor êêst 'n
kêê wadde over Keesje Blom zelf.
Ie was vroeger boerenknecht gewist. Toen ie getrouwd was begos tie mie j'n wienkel in kruujenir-
waor'n. Da 's niks van belang.
Mao toch was Keesje Blom in Kerzand gêên gewoon'n burger. Da zit zöö. Dao zien op ieder durp
van die mèns'n die j 'n aparte plekke 'èn. 'n Timmerman timmert en 'n smid smeejt. Mao neem noe
'n voerman op Bresjes. Die dee van alles: neeneem'n, meebrieng'n, booschapp'n doen, voor d'n
êên'n deugaons en vo d'n ander'n somtemet.
Zóó was 't noe mee Keesje Blom ook. Ie goeng om te beginn'n mie z'n kruujeniersgoed de baone
op langs diek'en en weeg'n. Bie d'èrbeiers en op de boer'osties goeng die an en verkocht dao wa
ze nöödig 'aon. Of dat 'n gróót gemak was! Mao dao kwam dan bie dat ie dikkels verkocht mie
gesloot'n beuze. 26 Eiers voo 'n kilo suuker. Da was toen zóó; 26 eiers nao de pries van d'n dag
was zóó omtrènt tien en 'n 'alve en 'n kilo suuker kost'nde zóó omstreeks tien stuuvers. Tien en
'n 'alve - moej weet'n - was tien stuuvers en 'alf. Jao, die maot'n en gewicht'n da was iets par-
tekliers. Weetje gie da d'n 'elft van 'n 'alf vier'n dêêl is? 'n Vier'n dêêl en 'n 'alf vier'ndêêl, dao
reek'nd'n de vrouw'n daogliks mee. En d'n 'elft van 'n 'alf vier'n dêêl da was 't zestiende van
'n elle, da was vier cèntimeters. En dan kon j'öör'n zöö'n kuss'nsloop die kan wè d'n 'elft van
'n 'alf vier'ndêêl smaller, 'n Tafje smaller, zei'n ze dan in de wienkel. Zuunig waor'n die mèns'n
toen.
Mao noe bin 'k van m'n apperpoo. Wao was ik? An jao, ze ruld'n zóó 't êên en 't andere, beuter en
eiers teeg'n kruujeniersgoed. Noe goeng Keesje Blom in 't begin mie j'n 'ondekarre d'n boer op.
Laoter 'ao tie 'n ezel en nog vee laoter 'n klein pèèretje. Wan z'n bedriefje goeng altied mao zach
jes vooruut.
Maor ie begon mie j'n 'onnekarre. 'n Grööt'n 'ond, Bello, d'r voo en Keesje d'r achter. En op de
karre 'n paor gröóte witte mann'n mie booschapp'n.
Mie die eiers en beuter goeng die 'n paor kêê in de weeke naor Oósburg. Daor 'ao tie wè z'n afne
mer.
Maor op die weeklikse reiz'n naor Oósburg deed ie aller'ande booschapp'n in Suusande en in
43
