Heerlijk toch ee? De Zeeuwse taele bluuft de schoonste taele van aolemaele, mae dat van mien, van aolle eilanden, is misschien een bitje economisch ge'orre, mae fk doe m'n best op m'n vaoder z'n Walchers en 'k wille dan voodraegen uut W. Vaarzon Morel vertelt: 'D'n ouwen schokker van de Kromme Peet'. DEN OUWEN SCHOKKER VAN DE KROMME PEET 'n Uutzonderluke figuur uut de 1914-1918-tied was de gornetvisser die mee z'n zwaeger op 'n gróten schokker voer. Meer volk kon 'n nie kriege, wan 't was 'n totael versleten schip. Gekocht in Vollenhoven waer de mooie schokkers vandaen kommen. Beuter-bie-de-vis natuurluk, wan 'n gornetvisser 'ao toentertied gin crediet. 'n Zuu'erzêêschip van 't goeie soort, dee 't 'ier ok best. Van Vollenhoven nae Zêêland is daerom toch 'n 'éél ende. De mast kon nie gestreke worre en bruggen en sluuzen dat bin diengers waeras 'n zêêman vee 'n 'eekel an eit. Dus, butenom lanst D'n 'Elder zeilden ze nae Zêêland. Zo noe en dan 'n trokje mee z'n netten, as de wind willug was, om wat te eten t be'aolve dróóg bróód, en om nie mee lege 'anden tuus te vaeren. Ondanks de nie of 'n bitje weinig gerepareerde brokken van 't versleten uutzieë, was 't nog te zieë dat 't 'n edel schip ao gewist. Z'n liggienk op 't waeter was vast en goed, z'n vloeiende vurmen, mooi! uit Voilenhove. 'n Prima stieflegger, gin scheefwaoier bie 'arde wind. En bie zwaere zêêgank bütengaets kwaeme de butengeweune kwaliteiten pas goed tot ulder recht. Ik nog in m'n schoolvecanties mee-evaere en ik stoeng nog al es an 't roer a 'kk nie te zeeziek was, of as 't nie mien beurte was om scharretjes te bakken op 't avapeurtje. Of koffie te kóke, noe jae, koffie? Buusman uut 'n busje en mee vee suker was 't nog lekker ok. Belze peekoffiezei de schipper tegen dat ienktzwarte goedje. Ma 'n goed schip stieren, dat is ies heerluks! 't Was gevoelig op z'n roer, mee je pienke te stiere en 't loefde uut z'n eige wat op as de windvlaege 'arder wiere. De schipper zei: 't Schip is zo ge'oorzaem as 'n willige meid, ee? Ik begreep 'm mae 'aollef, ma lache is gezond, dus dat deë me dan mae. D'n aermoei was aolgemêên, mae de leute was gelokkug ok volop anwezig en dat is 't beste om d'r de moed in te bluve ouwe in vee omstandig'ede. 'n Vis-consentje oftewel 'n visvergunnienk mog iedere visserman ma dat ellendige pampiertje kostte 'n paer gulden 's jaers en waer nie is, dae 39

Tijdschriftenbank Zeeland

Nehalennia | 1999 | | pagina 41