Besneeuwde, dichtgroeiende duinvallei, pastel van Pau Heerschap.
vlakte gieng as 'n struukelende over 'n bossie ruugte. Aok 't êêwenouwe kèrkepad, dat as 'n geule
dwors over 't veld liejp wérkende soms tegen. De Oudurpers kennende deur spelen op d'r eige
terrein de nukken van 't veld. Toch was de ploeg uut Flakkêê stérker dan ze dochte. Nae de rust was
't 2-1. Gelokkig voor die van uus. Mar zou 't zöö bluuve?
Op 'n gegeve moment beurende d'r voor mien gevoewl wat raors. Nae 'n snèrpend flui'ie van de
scheidsrechter gienge haest alle spelers nae de helft voor 't doel van uus. Drieje van uus gienge
naest mekaore voor 't doel stöö.
'Ze göö 'n penaltie neme', lei m'm kamerao'ie uut. Uuze kieper stieng in uuterste concentraosie
eboge voor z'n doel. D'n bal wier neereleid in êên van de aore ploeg nam 'n anlaop, in schoot. D'n
bal gien raekeliengs langs de paele in kwam in de braemen terechte.
Vlak voor 't einde bleek 't nog even mis te göön. De tegenspelers kwamme gevaerlik duchte nae
voren. Flui'ie van de scheidsrechter snerpende wêêr; iederéén bleef stöö. De supporters van de
tegenpartij begonne harde te joelene. Wat was 't noe wêêr?
Allemaele keke ze nae 'n boer, die mit 'n koeje an 'n touwe rustig an kwam steppe over 't kèrkepad,
midden over 't veld. Meschien op pad nae de stier van Dirk Voogd. Wie weet?
De wedstrijd wier net zöö lange stille eleid toetdat ze d'r over heene waere. Dêêrnae is 't niks mêêr
ewoore. Wiele wonge!
An 't ende van 't pae'ie gieng 'k deur 'n iesdere draojhekkie in kuierende deur toet an de
Dirkdoenswegt. Nêê spele mag d'r niejt mêêr in voewballe is dêêr héélemaele uut d'n böözen.'t Is
noe 'n echt netuurgebiejd ewoore, mit hekken in gaes d'r ornheene. In netuurlik houdt ieder z'n iege
an de regels.
44
