MEDEDELINGEN VAN DE ZEEUWSCHE VEREENIGING VOOR DIALECTONDERZOEK Dialectenrubrieken 't Is bekènd, dat onze dialecten in Zêêland 't goed doen in de krante. In de PZC ielke woensdag, in De Stem op zaoterdag en ook in de Êêndrachtbode. Daorvoo zurgt ons ijverig lid Jacob Duijzer. In de krante van 20 mei laoz'n me een stikje over de Korfbalclub van Stalland, geschreev'n den Han Stoutjesdijk. De Eendrachtbode kwam trouwes op 21 oktober mee 'n 'êêl schoon stik over onze dialectendag. Bedankt voo 't stier'n van die krante. Via de familie Schippers uut Bresjes ontvieng'n me het durpsblad Op Bresjes en daorin staot ook maondeluks 'n dialectenrubriek, geschreev'n deu Sakke of Arjaon. Ook ons nieuw lid Sjaak Herman uut Sluus kwam mee een stikje uut di durpsblad, da me een èndje vèder in Nehalennia, opneem'n. Over plaggiaot gesprook'n. 't Secretaoriaot ontvangt gèèm deze stikjes in dialect. Binn'n d'r nog mêêr bladjes in de judder durp. laot 't ons weet'n of stier 'n stikje op. Op deze maniere wöör de Verêêngiienk op d'öögte g'ouw'n. Dao komt dan noe een stikje van Sakke: Hoi Arjaon. Joeng, wa was ik blieje toen 'k las da je draojerig was van in de Moevit zitt'n en da je nie bezoop'n bi hewist op de kèremesse. Jaone was t'er ook a me thuus hekomm'n da je nie jillemao mji rechte liep. Da ao ze hwoor'n bie de snelkassa in de supermart. Ma wa wil j'ee, an zwoan snelkassa, daor je hewoon hjin tied om op je hemakje un potje t'ouw'oeren en dan krieg je lulverhaol'n vansèlf. Da wudder bie nwoam Jos èn hezeet'n, da klopt daorum we. Dao moe je toch ook un kjir haon kiek'n wor, dao zie je teminst'n nog weinig of hjin badgast'n. 't Is anders wee un kaontje druk in 't durp Afijn over 't weer meuhen me nog nie klaog'n. Me bin zelfs a twi kjir nao 't strange hewist. Je za 't nie helloov'n, mao Jaone is ook meehewist. Dus opoe ook mee. Nou z' bekieks had joeng, mee d'r badpak uut 1948. Zei ze tegendien klein'n: 'Zwao, noe hao opoe mee joe 'n kjir gaon ploonsen' en dao zett'n ze dan d'r badmutse nog es op. Z 'is mjir hefotograofeeerd as op onze trouwdag. Ik docht nog: 'Ik bluuv'n un bitje achter, ier wor ik even nie bie', mao da ao ze a hauw in de gaot'n. 'Sakke kom deu en kiek voo je', zei ze, bange zeker dan 'k naor al dat andere spul op 'strange keek. Je ziet daorom wa tehenwooridg joeng. D'r bin d'r bie die èn zo hoed as niks hjin klèèr'n mjir an, mao dan wee wè un nwoarbelle in ulder naoffel. Toen 'k da zwoa zag zei ik ardop in m'n eigen: 'Dao zakt toch ook je broek van af Noe whoamde dien klein'n da en die zei tegen Jaone: 'Oma, (wan da zeg ook a hjin opoe mjir), opa hao ook in z'n bwlote koont Iwoop'n'. Noe, van ploonsen mee dien klein'n is t ér toen weinig mji hekomm'n. 'k Bin we kjir benieuwd of ik mee 't visserijfjist vee de deure uut komm'n. Mao jao, nao de vismiene za ze toch ook we wee will'n, dus dan zien me mekaore dao wè. Toe ziens en de hroet'n mao wee, Sakke [uut Brsjes] 't Supplemènt Op 30 september 'aon me 'n goei'n aovund in Middelburg. Bie mekaore waor'n ongeveer tien mèns'n uut 'êêl Zêêland en Goeree - Overflakkee om saomen goed de letters van 't Supplement deu 33

Tijdschriftenbank Zeeland

Nehalennia | 1999 | | pagina 35