schöönmaok, toen an'k nog klein was, voo d'n oorlog, en wa-d-a-se dao allemao bii gebruukt'n, en
zö.
Da was daorom vrêêd, öör, die hrööte schöónmaok in't voo-jaor. Daoh'n, week'n, duurd'n da, wan
alles wier uutg'aol'n en uutgekuust. Eêst boven, vaneih'n. De bedden nao buut'n en de dekens en
de herdiin'n om te kloppen. Daor aod'n ze daorom dikkels vrêêd vee leute bii, wan dan liet er soms
êên zö'n punt van een deken schiet'n en dan was het gedaon möö de nestigheid en wiêr'n ze
maokelöös mee vee lachen en zottigheid. Affijn, d'n êêle ratteplan d'r uut. En a-t-'t dan toch behon
te réhenen: iedereen as de wêêrhao nao buut'n en 'tzaokje in één rêêm nao binnen.
Wad-a van out was, de ledekant'n en de linnekasse en zö, wier geboend mee boenwas (uut zo'n
platte blikke dööze). A-je dan's aoves in je bed lag, dan röök da toch lekker! Da ruuk je noe nooit
mêê. Mao dan hebeurd'n 't, a-se een bitje aostig waoren om de boel an kant te kriih'n, da die losse
plankjes onder je bed (matras) nii êlemao recht laoh'n. En a-je dan's lekker onder de dekens kroop,
vielen die plankjes van udder richeltje en j ie stuukt'n dan mee bed en al nao beneej'n. Blèren: 'k
zakken deu m'n bed!'.
'k Zei 't a: iedere kasse wier uutg'aol'n. De schuufjes soms 's aoves, an taofel. En al het stêênhoed
en de hlaozen wieren afgewass'n. M'n opoe ao nohal een straffen and van afdrooh'n en zodoende
brak t'r al 's 't een en ander. Zö kon ze heroutineerd een voet van een hlas afdraoien. Daor ao-se
dan altiid een soort 'slagzin' voo: 'el gadoossie. Pie, (m'n moeder,dus) da breekt. Affijn, de
pottebakkers moet'n oek leev'n.
Dan 't koper gepoetst: de traproetjes, d'n dööfpot en de kopere ketel, 't slot van d'n biibel, alles mee
Brasso. Sommige mensen aod'n zo'n ouwen Staotenbiibel mee een leere klaffesien. Da kreeg dan
oek nog een flère mee d'n boendoek.
Kinders vonn'n de schöönmaok vrêêd spannend mao omda-se mêesta stuuk in de weg liep'n
kreeg'n ze de boodschap mee: allee, gaon judder mao gauw buut'n spelen. Mao weetje, wa-da-t'r's
gebeurd'n, kort nao't schoonmaok'n? M'n broertje'a toen de koosse en m'n vaoder zett'n z'n
ledekantje voo't gemak in de keuken mao noga dicht bii de keukenkasse waor a-te stêêne potten
mee bröödsuuker en zö in stongen. En je begruup't-a, in z'n kolère snokt'n-die de deurtjes open en
smeet mee fossie wa' van die potten op de stêêne vloer. Jao, en m'n moeder kon't ammao wêê
opkuussen.
Van 't eet'n maokt'n ze nii vee wèrek mee de schöömaok: 'deu-mekaore', da was gauw klao. Slao
mee spekjes of mee eiers, of juunprol, en kèremellekse pap of brii mee stroop achteran.
Mao, vèder over de schöönmaok. M'n aod'n oek een bijkeuken, ost van'tselde formaot as de
keuken. Dao stong de rech(t)banke (aanrecht) mee een pompe (vóór a-me waoterleiding aod'n) bii
de hootsteen. En het wasmessien: zo'n hrööt, rond oute dienk. D'r was vast wel een kasse voo
bezems, emmers, d'n ansveher mee't vuulblik, affijn, d'n êêl'n obbelehaot, die a-je nodig eit om
een uus te kuussen, mao da weet ik nie mee. In elk geval wier alles hoed onder ann'n henoom'n,
mee de platte zeuhe en ander schöönmaoktuug.
Op 't einde most vaneih'n de buut'nkant nog een hröte beurte èn. An de koppespinnett'n waor a-
je nii bii kon kwam de koppespinveher te pas. Dan de stoepe schuren mee de ruuster en
eindjebesluit de raomen zêêm'n.
En zö bin me dan weer anheland bii het zêêm'n uut het êêste reheltje en de schoonmaok is klao!
Allee, oek de nestigheid.
Aal de vèsjes mie neuten gedichtjes
Dit is de titel van het nieuwste boek dat Bei Cok liet verschijnen bij de Kruiningse drukkerij Van
der Peyl.
Het boek bevat 84 pagina's en kost 20,00. Voor dat bedrag komt u in het bezit van een groot aantal
reeds bekende liedjes van Bei, die nu voorzien zijn van muziek. De onderwerpen zijn niet ver
35
