NAE «T BÈRREG'IE VAN TEUN TAENES*
A.H. Tanis
Sondaeksaevens gieng vaoder dichte mit uus as kinders nae oome Geerad kuijere. We gienge dan
'n bee'ie bie tied van huus, want't was nog 'n kitteg èjn'ie laope nae Diekstel, wêêr oome Geerad
weunende.
Bie't huus van Pot, an d'n Dirrekdoewnswegt, gienge m'n't liej'ie in nae de haemeete van Jan van
Griejt. Op die haemeete groeiende bekant niks. 'n Bee'ie taoj gors in op de haoge plekken stienge
'n paer brembossen. De grond was 'n bee'ie ongelieke mit hier in dêêr 'n grippe d'r deur heene.
Geschaepe grond zouwe de ouwe ménsen zégge.
Wêêr 't lêêge was in vochteg hao de koejen nog wat te frêêtene, in waeter drienke dee ze uut de koejepit.
Foust. uuze hond, mocht altied mee göó kuijere. A m'n op de haemeete waere liejte m'n ongerweege
wel's stille'ies 'n neusdoek valle in a m'n dan 'n èjn'ie voarder elaope waere, zei je m'n tee'n z'n:
'Foust. zoek.' in dan stoof n vromme mit z'n neuze langs de grond toedat'n d'n neusdoek evonge
hao. Da dee dat bêêst toch zoo graeg. As'n vromme kwam sprong'n tee'n je op in dan mosje de neus
doek van z'n anpakke. in dan keek'n nae je of dat'n zégge woe, doew't nog's 'n kêêrtie.
Azze m'n 't ende de haemeete van Jan van Griejt waere gienge m'n 't klimsel oover in dan kwamme
m'n op de haemeete van de Kluistee, wêêr d'n ouwen Jan van Dam op weunende.
De haemeeten waere of'escheije mit schurveliengen. Dat waere rikken zand van bekant anderhalve
meeter haoge. wêêr ze duundoorens op eleid hao mit de steekels nae voor'n in ofedekt hao mit 'n
paer steeken grond. Zöö konne de koejen d'r niejt uut.
Om van de êêne haemeete nae d'n aoren te kunne kommene hao ze 'n oopening in de schurvelienk
elaete in d'r 'n klimsel in emaekt. 'n Soort hek van 'n paer paelen in de grond, wêêr twêê of driej
34
