ANDELSGÊÊST OF ZWENDEL?
72. Iemand die nooit genoeg eten kan krijgen, altijd maar kan dooreten: W. (Dob.: vreetop
Osb.: olie bolle GijsZB. (Bsl.: een deurjaeger, Gpol.: 'n gebreide maehe Ha.: veelvraet, 'n
gebreide maehe Hkz.: 'n vat zonder bodem, 'n ol vat, Kn.: freetzak; Ktg.: 'n gebreide maege
Ovz.: die eit 'n maege van elestiekT. (Svn.: onverzaedigbaer, Ovm.: veelvraet) Sch.-D.
(Bns.: freetzak, smulpap-, Nwk.: freetzakRns.: onmund'T) Z.V.W. (Nvt.: veelvraot, slokop,
freetsak) L.v.Ax. (Nz.: die stouw mar doorL.v. H. (Ksz.: deurjaoger) G.-Ofl. (Odp.: 'n echte
vrêêter, Ntg.: hie heit 'n deurlaopenden dèrm
Pau Heerschap
Th. van Doeselaar
Ie weude'n an den diek, een minute of vuuve van 't durp of, in een klein cafeetje. Op 't raem boven
de deure stieng mie gróóte krulletters Jan Weyland, en di onder 'Volledige vergunning.'
't Was mooi weunen in zo'n cafeetje,vond Jan, en z'n zaakje lei um dan ok gin windeiers. Toch kon
Jan allêênig van z'n cafeetje nie bestae mie êêl z'n uusouwen, daerom deed 'n nog wat negotie a
je't zo noeme mag. .Zodoende kon'n an 't draaien bluuve, zonder dat 'n ard most werke, want di
oa 'd 'n un broertje an dood.
Mae ie was in den andel nie oaltied êêrlik. Ie verdienden dan ok mêêr den naem van ronselaer as
van koopman. Ie kon oalles gebruuke en wou oalles ruile, 't let nie wat. Ie zou.bie wieze van
spreken, un schaep ruile tegen un antieke klêêrkiste of onderd musters tegen un heite. Vooroal
schaepen en heiten zette 'n ie vee om en di was gentêênlienge ok nog 'a wat an te verdienen.
Zo a d'n onlangs nog un heite verkocht an Jillis de Plunder
uut de Poêl. Mae dat was minder mooi egae. Ie was Jillis
op 'n diesendag in Goes op de mart tegen 't lief elóópe. En
toen vroeg die of Jan un heite voe z'n wist, mae 't most un
möóien en un goeien weze. Jan die o d'r net êên staende. Un
best bêêstje van z'n twidde lam, die un flienke plasse melk
gaf. 'Kom merregenochend maer is kieke' zei Jan. En
zowas dus of 'esproke.
Dus Jillis d'n anderen ochend nae die heite hekieke. Jan zag
'n komne, wan di a d'n op ewacht. Ie wou naemelik an 't
melken weze a Jillis in 't stal kwam. Dus toen 'a Jillis binnen
kwam was Jan an 't melken. Jillis stoeng er van te kieken
da un heite zövee melk kon geve, zö 'n gróöte teste vol.
Mae ie 'a nie in de gaten, da Jan toen 'a d'n zag komne,gauw mie un teste olf vol melk in 't heitestal
estapt was. 't Viel Jan dan ok nie moeilik, om z'n baatgevende heite voe un zacht priesje over te
doen.
Mae 't duurden nie lange of Jillis kwam z'n beklag doe over de slechte melkgifte van torres. 'Dat
is toch jammer van zo'n best heitje', zei Jan mie un bedienkelik gezicht. 'Mae dat gebeurt wè mêêr
mie veranderienge van stal. Dat zou nog wè in orde komme. En Jillis kon er z'n mael mie doeë.
Kiek zo dee Jan noe wè mêêr. Ie was noe éénmaal nie te vertrouwen. Ie zei oaltied rnè: 'Andel is
andel'
Mae wannéér a je zo andelt, dan is dat gin andel mae zwendel, wat jie?
43
