Die zaete in een bootje
Aoi me n'is die viel d'r uut
Wie bleef d'r toen nog over?'
Grote stilte, 't Hast op 't hroene fietsje ieuw z'n kaeken stief op mekaore.
'Toe, geef antwoord, julder in Souburg wete toch zövee. Julder dienke toch zö knap te wezen?'
't Bleef stille.
'Zulle me je dan een bitje èlpe?'
En stiekempjes begint d'r èèn van ons, 't hast zachtjes in z'n erm te niepen. 't Bleef stille, 't
Souburgse hast gaf gin krimp.
'Kom op, antwoore, noe', en twi paer duumen en twi paer wiesviengers niepe in 't joenge
Souburgse vlèès. Op 't zelde mentent komt 'r over de Zandwegt een fiets angerieën,
't is D'n Ekster, de smerus. Dat was een geluk vö 't Souburgse hast. As de wiedeweerga, wier 'n
losgelaete. En ons liepe onze bénen van onder ons gat, om weg te kommen. En 't hast kon z'n
booschap op Ritthem gedoe.
Mè wat wil noe 't geval? A 'k zö rond de twintig bin. Dan lere 'k een gaeve joengen kenne. Me
kunne 't stikgoed mee mekaore vinde, dus me verlove. Ie is afkomstig van Souburg. En op een
aevond, as me wi 's saemen an 't dollen bin, zei 'n inèèns tegen me:
'Zeg; ik wete nog een raoseltje.
Aoi me n 'is en niep me n 'is
Die zaete in een bootje
Vö dat 'k antwoord moe geve vraeg 'k gauw:
'Wacht is, o jie vroeger soms een hroen fietsje?'
Ie knikte van jao. Intussen is 't er wi a 't èèn en 't aore gebeurd, en bin ikke en jie a 40 jaer saemen,
gelukkig!
Corry Arendse (dialect Ritthem),voorgedragen op Omroep Zeeland, 4 februari 2006.
Oost-Souburg,
Oranjeplein
met kerk
(foto Rinus
Willemsen).
66