wat ze rehelmaetig kreeg toe'estierd. was netuurlijk wè nöödig, ma z'ao liever d'r vint trug.
D'r was a wi bienae 'n jaer verbie in vandaehe was vuuf december. Ze most nog wat koape vó de
kinders. ma oe most dat noe?
As de nood an de man komt, is de reddieng naebie. Ze zag dü 't raem d'auto van bure Lee
ankomme. Die aod'n uut de garage g'aeld in dan kwam 'n aoltied nog even nae vore, want dan kon
'n d'r mee proenke. Ie liep naer de deure in twint ieuw 'n de slotel naer de auto gericht. Zó kon 'n
de zaek van 'n endje op slot doe. Vier lichjes knipperde vrolijk, 't leek werempel wè 'n kerstboam.
Kee ienkeldepienkelde naer 't raem in tikte ard. Ze zwaoide: Kom 's. kom 's. Lee kwam naer de
deure in stapte naer binnen.
Lee, gae jie soms nae stad?
Kajje dat ruke, Kee? Net wè, ik mot nae Zurrikzêê. Ik aolen tied, want ons bin ma mit z'n twêêën,
dust wulder viere gin klaos mi. Je weet. de kinders bin de deure uut in die zó ulder eihe besonjes.
Lee, ik kan aghêêl nie van d'n pad, ma ik mot toch nog 'n paer kedoos Zou jie die nie vö mien
mee kunne brienge?
Netuurlijk maans, waerom nie?
Noe, 't is êêl maklijk. Bie De Vries leit 'r 'n Playstation klaer vö Ko, daer eit 'n a zö lank om
'ezeurd. Dust die is besteld in z'è op'ebaald dat 'n binne is. In bie De Jonge staet'r 'n stepje vö
Kees. Ie wou zö'n klein dienk wae dat 'n rem op zit, weet je wè? Ma jao, die kon eihenlijk pas
gistere op'aeld 'ore, dust dat zou'k glieke doe mit dat Playstation, snap je.
Jao. da's te behriepen. Mot Wim niks
Wim za êêl blie weze mit 'n boek, die zit aoltied mit z'n neuze in de boeken. Ma jao, da's noe 'n
bitje moelijk, dan zou je nae de boek'andel motte.
Kom aomè goed, Kee, ik kieke wè naer "n seksboek.
Bi je noe glad nie wies, Lee, nêê....zoek ma 'n spannend boek uut.
Ik stae d'r noe over te dienken. Kee. ik kriehe 'n êêl mööi idee. Ik komme vanaeven stiekum in de
gank, ik gae mit 'n zwart'andschoene êêst ma 's strööie in dan waark ik die kedoos wè de kaemer
in.
Buurman, daer 'oor ik noe toch glad nie goed van. Jie mot a in de stad van biebord nae babbord,
da's toch vees te gek?
Dat vind'ik noe 's leutig, maans, 't kom aomè goed, ik gae ma gauw.
In bure Lee gieng d'r lachend vandü. Ie liep, of dat 'n jaeren joenger was g'ore.
't Was zeven ure dien aevend in de straete was doenker. Kee ao de gerdienen dicht'edae in
iedrendêên was 'n bitje zenuwachtig. De kinders waere deze daehen anêêns wï gloavig g'ore in
aode zaalfs klaosliedjes van de schole gezonge. 't Wachten was op de têêle mit pakjes, want zö
aode ze dat a jaeren lank edae. Ma dit jaer was toch anders, want d'r wier op de achterdeure
gebonkt in raor genocht glieke ok tehen 't raem an de straetkant. D'r wier an twi kanten ieselijks
gebromd in de joengers wiere d'r stille van. 't Gebrom kwam noe uut de gank, waer ze êêst 'n
grööte dreun 'öörde in toe Zwarte Piet, die 'gosternokke' zei in 'verdikke'. In de straete was 't
doenker.
't Was dudelijk, dat Zwarte Piet z'n eihe flienk estoten ao tehen de fiets van Ko, die a daer stieng
in noe mit 'n bongs omvarre viel. De fietsbaale dee van tiengtieng in toe wier d'r vrêêselijk ard
gelache. Wi 'n bongs op de deure in 'n witte andschoene kwam vö d'n dag. D'r wiere êêl vee
peperbollen in pepernoten naer binnen ehooid in de joengers doke naer de vloer om ze op te raepen.
Tot zö varre gieng aoles net zö as Kee 't in d'r ööd ao, ma toe wist z'ok nie mi wat of t'r gebeurde.
De deure gieng ope in dae kwam êêl plechtig Sinterklaos zaalf nae binne. Piet kwam d'r achteran
56