preien: straal speeksel uitspuwen, morsen,
prei: viespeuk
probenobel: de baas, de leider
propenent: harstkarbonade
redenderhood: groot hoofd (hood hovet is natuurlijk hoofd, maar redender??)
robberd: flink, stevig kind
z'n eigen robbes eten
scharnape: larve van meikever
scheer: geld, kapitaal
schofveuren, schiffeure: akker na bezaaiing gelijkmaken
sjangelen, sangelen, sammelen: telkens ruilen, sjacheren; ook versammelen
sunen: beenbeschermers
tiele: bikkel
trippelantree: trippelende vrouw
uusjescheer, ossiescherre: bullebak
uutpruken: z'n boze bui uitvieren
vergochen, vergoggen: zich bewegen (neg. zich niet kunnen bewegen),
versammelen: versjachelen
vettelakontje: royaal (eten, drinken)
waterprint, -prent, -druk: druk met Latijnse letter (verband met water??)
wazzink: zitplaats van de voerman
zwartmokken: morsig werken, huishouden
zwartmokus: vuilpoets.
VERHALEN EN GEDICHTEN
Un propur uusje voo baas Bram
Mee eerbiedugge beschuldegieng werrup ik un blik op je, munneer dun Bürgemeister, mee ut
verzoek om een uusvestingsvergunnienk voo un proper uusje op 't durp. Da zou uk gern weunen.
Ut werruk op de boerderieë gaa me nie mjee zo af, 'k wooren t'oud daavoo dienk uk. Ik liggen a un
tied in de bestee mee is i as. Tuss'n twee aakj's ik open da k'ut goet sgriev'n wan anders dienk je
mishien da ut un Asiatis soort eet'n is. Mao je moe nie gloov'n da ta mee valt oor. Je zit dan wè in
de prutsen. Eele daog'n piene in je lief, das biena nie uut t'ouwen. En munneer den Bürgemeister,
ze laghen je nog uut ook a je zo af en toe is krom trekt en da je gezigt dur van op un tute staot.
Munneer dun Bürgemeister, noe is t'ook zoo da mü wè weg moet'n daa, wan ons boerderietje is
eig'lijk onbeweunbaor verklaort deu de gemeinte, da sa je zelf ook wè weet'n.
T'is un elen tied trug gekomm'n deu mun vogt ontwikkelieng, die is gewoon nie mjee uut
t'ouwen. T'is zoo errug mee die vogt da ze deu t'dek siepelt at ut un bitje regent. Dan komt ut op
de vloer van de slaopkaomer van mun ouwe moeder, die elemaa beshimmelt is. Dus asjeblieft
munneer dun Bürgemeister, as t'un bitje kan moet da mens ook mee nao da uusje. Wan t'is tog
tüslotte un mensje van rond de tnegentug. Wil je daa un bitje reek'ning mee ouwen meneer dun
Bürgemeister. Noe enk eig'lijk nog een bitje voorkeure ook meneer dun Bürgemeester. 'k Zou gern
weunen nest die weeve in de Wafelstraote. Das tog un vrommus zonder kinders, dus die za wè nie
eele daog'n leev'n ouwen. Wan mun ouwen van ruste.
Munneer dun Bürgemeister, mun enige zeune zou dan de boerderieë wee trug in beweunbaore staot
brieng'n en at ut dan hoet hekeurt is, daa gaon weunen. Ie eit tur de spaorcentjes voo dus da kom
wè goet. Ie is noe un eindje in de fuuftug ie za wè a zelf kunn'n boer'n. En a zeg 'k zelf, ie eit un
goeie opvoedienk had en da shil maa alles.
53
