36
Aflevering 158 winter 2007
In de lichte baene op 't waeter is t'r inééns 'n rimpelieng in sprienkt 'r 'n
glanzend zuivere vissie haoge op. Dan klienkt 'n heldere stemme, die as
een belle'ie klienkt:
"Ga maar, ga maar,
't Geven kost mij niemendal.
Zonder hebzucht in je leven,
Is 't alleen geluk, dat ik je schenken zal"
Dan verdwient 't vissie mit 'n zochte plons onger waeter. D'r binne allêêne
nog de bewegende kriengen op 't waeter, toet aok die vervaege. De maen is
achter de wolken verdwene. D'r is allêêne nog de zochte ritselieng van de
golfies, die op 't strange uitvloeie.
Dan draoit 'n z'n eige omme in mompelt:
"Dank je, dank je, visje.
In hie laopt de kliengen over nae de straete wéér Anna in d'r huusie weunt.
Voor 't verlichte raem stööt ze al op z'n te wachtene. Die nacht praete ze
lange en veel.
In ze levende saeme nog lange in gelokkeg.
Pau Heerschap
Aeolus
Van winden en wenden
Dit is wT 'n ver'ael over Odissus. Ie kwam noe 's vö 'n keer bie aordihe
maansen op 't eiland Aeolia in dat 'éét noe Saba.
D'r was dae 'n konieng Aeolus mit zes zeunen in dochters aod'n d'r ok
zesse. Ie za wè gedocht vurdêêliher mit 'n dozien.
Die konieng ao macht over de winden, ie kon 't net zo laete waoie as dat 'n
zaalf wou. In ie ao wè vee centen, dienk ik, want z'n kastéél ao
bronze muren. Noe, da's bienae net zo diere as de
titaniummuren van ons gemêênt'uus.
Odissus in z'n maots bleve 'n maend lezëëre, want die konieng
keek nie op 'n aolebesse. In Odissus ma vertaale over Troje in
aoles wat ze dae mee'emaekt aode. Ma jao, ze wouwe toch wè
wl naer uus in Odissus kreeg van Aeolus 'n lêêre zak in dae
zaete de tehenwinden in op'eslote. Mit 'n zuivere band ao de
konieng de zak goed dicht'emaekt, want 'r moch gin wind uut
ontsnappe. Je voele vast a wè, uut waalken oek de wind gae
waoie.
én wind ao Aeolus d'r uut'elaete: Zefier, de noordwestenwind,
want die most ulder naer uus toe blaeze. Nehen daehen gieng
't goed in d'n tienden konde ze in de varte ulder land zie laahe, ze konde
zaalfs de maansen a zie. Toe gieng Odissus slaepe, want ie ao aol dien tied
zaalf an 't roer ezete.
Ma noe waere z'n maots onder mekaore an 't smoezen in ze deeë Odissus
schandelesêëre, dat 'n netuurlijk wè vee goud in zuiver ekrehen ao in
zulder niks. Want kiek, d'n êênen 'oor bepaerelt in d'n aoren beschete.
Zulder zouwe d'r wè wT bekaoid van ofkomme.
"Lae m'n de zak ma 's opemaeke, om te kieken wat dat 'r inzit", zeie ze.
