Aflevering 159 voorjaar 2008
59
Oe in wanneer dat strao ontstae is weet eihenlijk gin maans percies.
't Straofêêst is allank a nie mï zö-as vroeher. Jaeren lank ze 't fëêst evierd
op maendag.
De meziek miek op Renisse drie rondjes om de kaarke mit de klokke mee in
daenae doke ze 't café in. Omstebeurte in de twT cafés op de Rienk. Dan
wier d'r leutihe meziek eblaeze in de maansen gienge dan lekker sprienge
in d'r eihe uutleve. D'r dee d'r nog a 's êêne zat naer uus loape om mit wat
soep bie te kommen. Want jao, drank waere ze toe nog nie zö gewoon, dust
d'r wier wè 's tevee edroenke, a waere 't gin zuperds.
Op de aore durpen wier d'r ok nog wè an riengsteken edae. Dat deeje ze op
Renisse nie, daer aode ze dienk ik tevee dost.
(foto Henk Blom.)
Foto Henk Blom.)
Toe dat de maansen meer gienge verdiene
konde ze nie ml de maendag verlette in gieng
't fëêst naer de zaeterdag. Dat was in de
zestiher jaeren. Laeter ei strao bienae op z'n
leste bëênen estae op Renisse, ma 't
straocomité is t'r flienk an gae trekke. Ze
d'r bevobbeld rienkrieje bie edae. In ze d'r
leutige diengen bie bedocht vö de kinders.
De echte straomaansen motte daer eihenlijk
niks van ma ik vinde dat wè êêl goed.
Beter 'n fëêst zö-as 't noe is as êêmae niks. 't
Comité 'oopt aoltied dat de riejers in echte
straokleren komme, zwarte jas in witte broek
in 'n bol'oedje, want d'r bin d'r, die dienke
dat 't carneval is. Ma dat is 't noe juust nie!
De meziek is nie mï zö trouw in 't bie'ouwen
van de traditie. Drie keer om de kaarke is t'r
nie mï bie in mit de klokke meeloape om de
kaarke ok nie aoltied. Ik dienke trouwes, dat
't 'n bitje te maeken eit mit 't rienkriejen op
de rienk, je kan d'r dan nie mï zö maklijk
loape.
Op Renisse ze trouwes nog wat nieuws, wat
of je in de aore durpen van de West'oek nie
za zie. D'n doomnie die a t'r noe staet, ei
bedocht dat de maansen ok wè d'r voeten in
't kouwe waeter kunne ofspoele. De maansen
motte zö ok vernieuwd 't nieuwe jaer inhae.
De gedachte d'r achter gaet dust 'n bitje
dieper as bie de maansen, die of op
nieuwjaersdag de zêê induke.
D'n doomnie ei toch 'n krootje maansen zö
zot ekrehe om mee te loapen, ma ik bluve
toch liever an de kant.
Henk Blom in 't dialect van Schouwen
