Aflevering 162 winter 2008
73
"Ahmed, gai blaift ier bai de schaopen en d'onden, want dagiender wait das
nikske nie veur ao, temeer daor ge toch van 'n aander clubke zait" gebood
Pol.
Zo tooge ze op pad en kwaeme bie de stal en waerentig, dae lag dat
babietje en de 'erders kwaeme eel eerbiedig dichterbie. Meria die van
aolles we meer afwist en oak wat at et vo 'n biezonder kind zou weze,
glimlachten mar es en was 'eel bliëe mee 't bezoek.
Zelfs 't ezeltje Flupje, die a 'n maot a gevonde in 'n groaten os, leek we 'n
bitje te lachen.
Nae 'n poosje gienge d' erders d'r weer van deur want gieng a 'n bitje licht
wore. En ok Meria en 't kind en ok Jozef moste ruste. Jozef most d'n aoren
dag nae dat ketoor om ingeschreven te woaren. Noe most er ineens driëe
inschrieve, docht 'n bie z'n eige.
Ok zou d'r nog mee bezoek komme, ma dat was 'n aor verhael...
Jaap Murre
'Erders
Koeiewachters, die waere d'r vroeger genoeg. Mae dat is een beroep, dat is
noe uut'ugesturve. Weet je wat a je nog wel eit? Mae dan in 'n vee mindere
maete es vroeger: schaep'erders. Noe is dat 'n vak, daer a je gevoel vo
moet 'ao. Mee bêêste omgae, 'n 'êêle dag van 'uus, deu regen en wind, in j'n
ééntje dwaele langst dieken en langst wegen en schorren. Praete 'oefde je
nie vee te doen, wan mëêsta zag je weinig mensen.
D'r waere d'r bie, die deeje kousen breie. Êên rechts,
één aoverechts. Om den tied deu te briengen, mae ook
nog om d'r wa bie te verdienen.
Om veel alleene te wezen, dao moe je tegen kunnen.
Vriej was je nie vee. 't Was meestal zeven daegen in de
weeke. Mae de schaepen die kennen d'n 'erder. Mae die
kenne ook d'n 'oengd. Of 'oengden. Wan die moete toch
't zaekje 'n bitje bie mekaore 'ouwe. In de zeumer gaet
da nog we. En toch geloof ik a je blieje bin as 't avond
is. Voora bie kou en bie nattig en mistig weer.
'n Drukken tied was het bie lammere en scheere en
wasse. Krepele waere d'r ook bie. En daerom was
het gewenst, da je d'r 'n bitje sjoege van 'aode. Noe
ouwe ze nog we scheerfêêsten om mensen te trekken.
Vroeger scheerden ze mee 't 'and. Tegenwoordig doen
ze dat machinaal. En zo atte die mensen verschillend
van aerd binne, zo ei je ook verschillende 'erders. En
ook verschillende oengden.
'n Goeien oengd is vee wèèrd.
Jan van Kee, van moei Kootje, die was a jaeren
schaep'erder gewist, 't Wist 'n geziene vint. Ie ieuw van
Willem van Gilst (foto 'n leutje. En a kwam 'm vanwege z'n werk nooit in kerke, toen was 'n goed
via C. van Heule). bevriend mee d'n doomnie. Jan van Kee was ook rap mee z'n moond. Dat ei