Aflevering 162 winter 2008
75
niks, ma keek allêën ni zen. "Zie je wat an men?" vroeg Jan. "Noe je 't zeid,"
zei Wullem, "Aa je nie goed ehslaepe?"
Bèjad," zei Jan, "ik bin nog gineens goed wakker."
"Je zou 't nie zaage,"zei Wullem.
Een uurtje laeter kwam ten Endrik tegen. "Wat mekeer jie noe Jan? vroeg
die."Onverstandig, wat zie jie der uut. Je mag wel es ni laete kieke."
Jan voelde zen eige noe a nie mi zo goed. Wat zou den toch mekere?
Wi een poosje laeter aelde Merien den in. Die zei: "Ma Jan, zo kun je nie
bluve loape öör. Wat zie jie der uut! 't Lieken wè of ze vergete bin joe te
begraeven. As ik joe was, dan kroop ik trek onder de dekens. Za'k je ma
thuus brienge?
"Doe dat ma Merien, ik voele meneige glad nie goed. Ik bin zö ziek as een
ond, "zei Jan.
Karrevelden op
Schouwen foto via
Teun Rosmolen.)
Langzaem liepe ze naer Jan zen uus. Toen ze thuus kwaeme, zei Jan:" Koba,
gae ma trek den dokter aele, want ik bin zö ziek, dat ik 't nie mi weet wi ik
et mö zoeke."
"Je mö nie ni den dokter gae öör,"zei Merien. "Di èk a zo vêê over öörd.
In gae ma nae, aole maansen die bie den dokter loape, gae vroeg of laete,
aomae dööd. Der is ter nog gin ene bluve leve. Neeë, je kan beter vraege
of Arjaon es ni je kiekt. Die eit der verstand van. Ie eit vier dikke boeken,
wi ten aoltied in zitte neuzen, in ie maek zen medecienen zaalf. Der gae ök
waa's een patient van zen dööd, ma dat komt dan, omdat die wi bie den
dokter gae loape. Za'k ter es langs gae, in vraege of ten es ni je kiekt?"
Jan knikte.
"Geef je waeter dan ma mee," zei Merien,"want di vraegt ten aoltied eest
ni. Maarge komt ten dan wè bie je langs." Even laeter kwam Koba mit een
arzienflesje vol trug. Merien begreep ter niks van, want Jan was aoltied in
de kaemer ehweest. 't Za zen ochendwaeter dan wè we ze, ze de pot zeker
nog nie leegehkapt.
Jan een slechte nacht. Ie déé gin oage dicht. Den eele nacht, den laage
beve in remele.'s Ochens most ten nie ete, in ie bleef in de bestie.
