Aflevering 163 voorjaar 2009
De AEX Rap
Refrein:
AEX, AEX
Vlejaere oak nog held
Ma noe ek niks
k'Oa van z'n leven wat centen hespaerd
En in 'n ouwe kouse bewaerd
Mar dat leverden geen rotmoer op
Toen las 'k in de krante: Dit is top!
Lei je held in bie 'n bank
Die zurg vor joe je leven lank
AEX, AEX...
Nou dat gieng 'n hortie hoed
Toen kreeg 'n berichtje: noe weten men oe at moet
Me wille je centjes op de beurs belehhe
Dan krieg je nog vee mee za'k ma zehhe!
D'r wier belegd in banken en IT
't Kon nie kepot, 'k verdienden êêns zo vee
AEX, AEX
Noe zit 'k mee de hebakke peren
Die a hewonnen e bin wel die heren
Die a me toen es kwaeme zehhe
Da'k zo nöödig most gaen belehhe
Meneertje Bos daer in den 'Aeg
An joe ek noe ok es 'n vraeg
Je lööpt te zwaoien mee 'n miljard of tien
Is dae noe nie 'n klein bitje bie vo mien?
AEX, AEX
Geschreven n.a.v. de kredietcrisis door Jaap Murre, dialect Tholen,
28 oktober 2008
Belevenissen in mun schooltied
't Is a eev'n geleeën dan 'k op schole gieng. Daorom w'ik dur wè is wa over
vertell'n. Tegenwoorig gao ta eel anders in zun werk, of 't zovee beet'r is
twufel 'k wè is an. Mao daa gaon mü ut noe nie over en.
In dien tied aa je nog jeerbied voo de mjeester en de juffrouw. Dirukteurs
kend'n je nog nie, da was dun ooftonderwiezer of de boov'n mjeester. Je
kreeg eel gouw straffe a je wa uut je kont gestook'n aa. Daorom past'n
je dur wè voo op da de meester of de juffrouw nie sag da je iets van
kattekwaod uut aald'n.