Aflevering 164 zomer 2009
Pierre zag - t'r dêêgeliks en bewonderieng oe a zie kon werke en voe d'r
goeien 'umeur.
Ze spraoke mekaore noe af en toe.
Toen a 't werk édêê was kreeg-t'n zien löón, vuuftien stuuvers voe 't oesten
en twintig voe de rest.
Arjêên riep -t'n nêê 't êêvendeten bie z'n. Pierre was verbêêsd da
Jikkemiene ök in d'n opkêêmer was.
"Pier, 't werk is 'edêê. J'ei goed werk 'eleverd: je bin een goeie knecht. Bluuf
jie bie wat a je lest uut'esproken eit?"
"Jao baas." Een snelle blik op Jikkemiene.
"Goed. Ik oa allank 'emerkt oe a -t de wind waaid'n bie julder. Mè een
knecht vriet mistal nie mee de dochter van de bêês. Toen ik Jikkemiene
over joe vroeg, was 't êên- en - oal verblóözen, dus duudeluk 'enocht.
Luustert: vermits de schout 't goed vindt da j'ier bluuft mag je mien
dochter trouwe. Mè toet je trouw'n bluuf je wè mien knecht, en dinêê
dan mien zeune... Mèr a - 't - er guus komme motte die we de nêêm van
Warêêven drêêge. Gi j'iermee akkoord?"
"Jao baas. 't Kon nie beter, baas."zei Pierre zo blie a - t'n was. Jikkemiene
glimlachte nl z'n. Arjêên vervolgd'n:
"O ja, Pier, leer in Godsnêêm Bevelans: wat is noe een Bevelanse boer die
Vlaoms praot?"
Noot
Bron van dit verhaal is het boekje Van Quajendam tot Kwadendamme (1972)
van mijn vader A. A. J. de Boo. Hij was een groot liefhebber en kenner van
zijn geboortestreek. Grappige bijkomstigheid - door mij toegevoegd - is dat
Arjaan Walraven óók in onze voorvaderenrij voorkomt...
Helen de Boo, dialect Kwadendamme, Zuid-Beveland
Nie om te lachen
Het is glad m'n bedoelige nie om sterke verhalen te schrieven, mè zo af en
toe bin d'r toch wè 's van die diengers dl a je over prööte mot.
Noe ze op 's Heerenhoek, ik prööte noe van een jaer of wat terug, een
brandweer. En nie zomè een gewone brandweer, néé een buutengewone
brandweer. Méé van de beste ploegen in Zeeland.
Ze vergadere vee, ze oefene bie 't leven, en spullen da ze Slangen,
spuiten, ladders, bielen afijn noem mè op. En een auto! Puik in de verve.
En poese da ze doe!
Noe stoeng dien auto op'eborge in de loods bie de smid. Mè dat kon op d'n
duur nie langer. Dust: ouwoere op 't gemeentuus en werentig wat dienk je?
't GT deur: d'r komt een kazerne.
Op 't gemeentuus gêê ze an 't tekenen en an 't rekenen. Wat git 't koste en
wat mot'r zoa in?
"D'n auto mot 'r in vanzelf en d'r mot 'n werkbanke komme voe onder'oud
en me motte kunne vergadere, noe nie ml in 't café."
- O.k. Een vergaderruimte dus. (amtenaer)
"Ja en me wille ok wè is een komme koffie zette."
