Aflevering 164 zomer 2009
73
- O.k. Een soort keukentje dus.
"Wéér ange me öonze pakken en helmen enzo, en a je toevallig is éél nodig
nï de plee mot?"
- O.k. Een garderobe dus en een toilet.
"En voe de spullen voe de carnavalsoptocht zou 't toch wè lekker weze a t'r
een zoldertje boven de garage kwiem."
- O.k. Een zoldertje komt er.
Amtenaeren an 't werk, en rekene! Tekenaeren an 't werk, lijnen zette.
Wat gT dat koste? Nie weinig, dat mö je nie dienke. Mè 't komt klaer. De
begröötige en de tekeniengen. Mè die motte nog eventjes nï een aar
berootje. De schoon'eidscommissie. Jammer, dï vööle ze over de öögte van
de goote en de kleuren van de pannen.
Nieuwe tekeningen, eventjes opnieuw rekene, kost wè wéé een stuver of
wat. Mè afijn een lank verhaal wat in'ekort: ze kunne an de slag.
D'r is een mooi hertekampje en as stal een éél oud koets'uus, een
monementje Dat mö wig. En bouwe.
Dus een garage, vergaderzaal, keuken enz. enz. Licht en gas d'r in. Schilder
d'r in en ja or 't komt klaer.
Officieel opene. Vlaggen op durp. Fanfare, zondags pak an, de
burgemeester mie z'n kittik, de wet'ouwer, de pastoor, uniformen mie
sterren en strepen. Toesprêeken, applaus, 't Is gewoon feest! En dan: den
auto, tjongen wat blienkt 'n. De roldeure open en d'r in? Nee, d'r vóór.
D'n auto kan d'r nie in. 't Deurgat is te lêêge. Nie, vee oor, zomè zowat 15
centimeters...
Wien lacht dï
Gïn paniek, wordt opgelost, kost nie zovee. Een goeie veertien dêêgen en 't
is oké.
Intussen is de poletiek an 't ergeweren over de begrootige. Om kort
r
Foto uit de
bundel van Bertus
Limonard.