Aflevering 165 herfst 2009
Naejaer
Boven 't afhekapte peelóöf
drieve laehe nevelslierten
De booten blaeze
J'öört 't deur de mist
'N kouwe nevelvlaehe
Heef'wat ruumte
Aneens laet 't zonnetje z'n eihe ziee
't Zicht krieg metéén 'n aore ziele
De heploegde voren hlimme
't Is aollemae zo somber noe nie méér
't Is net of a de natuur zeit
Nog 'n stuitje wachte
'n poosje kalm an Jaap L. Murre
Dan komt 't voorjaer weer (dialect Tholen)
Boeven
Ik bin zevenenzeventig. Noe zu je zaage wees ter blie mee, want der bin
der zat die dat nie beleve. Ik bin di ok blie mee. Dikkels ik ehdocht, ik
ööre nie oud, ma noe ik et bin,vind ik et best een mooie tied in men leven.
Tot noe temissen, want in de P.Z.C. stieng een stikje, in noe bin ik aarg
ongerust ööre. "Senioren op boevenpad" stieng der oven. Ik docht dat ik
nog a eerlijk du 't leven ehzeild was. Ma noe schrieve ze, dat der steeds
meer senioren op 't boevenpad gae. Dat ze nie zo ma verzonne om de
krante vol te kriegen. Neeè 't is vastehsteld du 't wetenschappelijk bureau
vanet openbaer ministerie. Dat is openbaer, dus ze magge dat nie vö der
eige ouwe. Oe pienlijk zö'n onderzoek ok is, men zu der mee motte leve.
Ik dienke wel es an de tied dat den dokter mot zaage: Ik kan nie vee mi vö
je doe. Ma dat et uut dien oek zou komme, ik nie verwacht. Der bin noe
vuuf in tachtig procent meer vuuf in zestigplussers die in de fout gae. In de
toekomst ööre der dat steeds meer.
Nog a wiedes zu je dienke, want der komme steeds meer van die ouwe
knarren, in ze ööre steeds ouwer. Ma dat is 't nie ëêmae, want et antal
slechte ouwere groeit arder dan de bevolking van Nederland.
Wat doe ze noe aomae verkeerd vraeg je jeneige noe of. Volgens de
wetenschappers binne ze vee misdaedig in 't verkeer. Dat zou best kunne,
want men stamme nog uut den tied dat snelverkeer voorrang 5.
Der binne der misschien ök nog wè bie, die dienke dat den oudsten aoltied
voor mag gae. Dat leerde ze ons vroeger. In de bus gieng je aoltied stae
as ter een ouwe vrouwe wou zitte. Neeë de wetenschappers kieke alléén
ni de fouten van vandaege in ouwe der gin rekenienge mee dat wulder van
vroeger bin.
Men rie toch we graeg in onze auto zolang we dat magge in kunne.
Natuurlijk maeke men wel es een foutje, ma as de jongere maansen beter
uutkieke, dan gae dat nog best goed.
Men riee ok nog al es onder invloed. Men roepe a gauw: "Die jeugd
van tegenwoordig zuup wat of." Ma men doe 't zaalf ok, in volgens de