44
Aflevering 165 herfst 2009
wetenschappers nie zo weinig.
Stele doe men ok véé. Ik doe dat nie want dat zet gin zooien an den diek.Ik
zou wè de slotel van de buren achterover kunne drukke in inbreke. Dat doe
ik ok nie, want ik bin vee te vee op die maansen ehsteld.
Neeë die ouwe maansen mit een rollator vertrouwe ik nie.
Der ang aoltied een mandje an zo'n dienk in di kunne ze van aoles insteke.
Dat dienk gebruke ok nog al es vö wat anders, 't Geweld onder de senioren
neem aarg toe. Ze slae der mar op los mit der rollator, gloaf dat ma. Noe
ik et tot noe toe aod over de senioren in 't algeméén. Ma je bin natuurlijk
gin wetenschapper as je et daer bie zou laete. Ze uutehrekend dat
criminaliteit bie de ouwere van vuuf en zestig tot zeventig we meevaolt.
Boven de zeventig oord et aarger. De aargste groei zit bie die knarren van
tachtig jaer in ouwer. Ik a ehzeid dat ik zevenenzeventig bin. Dus volgens
de wetenschappers öör ik steeds slechter. Gêêstelijk dan natuurlijk, van
men lichaem ze gin verstand.
Dan mot je ma ope dat je gin tachtig öörd, óór ik je noe dienke.
Bin je gek, ik geniete nog aalken dag van dit leven, in zo'n verhaeltje
schrieve is ök leutig. As ik noe strak in de fout gae, dan kan ik di niks an
doe. Ma je gae natuurlijk wè fantasere wat ik dan aomae voor slechts za
doe. De belasting oplichte is 't eerste wi je over dienkt. Ik aoltied zaalf
men belastiengpapieren inehvuld, in nooit problemen aod omdat ik dat
aoltied eerlijk dee. As ik noe zou wille knoeie dan kan dat nie mi want sind
een paer jaer doe een man van de ouwerebond dat vo men.
Dus dat vaol of. Stele in een wienkel doe ik ok nie. Dat löönt de moeite nie,
in ik nog gin rollator. Een bank berove, dat lieken men wè wat. Men vier
banken in de stad, dus ik kan uutkieze. De Amrobank vaol of, want di kom
ik a ëêl men leven, di kenne ze men véé te goed.
De Rabo vaol ok of, want daer ik een spaerrekenieng. Je steelt
dan je eige geld. Dat schiet ok nie op. Eén van die twéé andere
banken zou kunne. Ma ik kan nie mi zo goed loape, in dat mot j'
wè kunne as ze achter je an zitte. Laet ik der ma nie an beginne.
Ik za ter mee motte doe, om zo noe in dan es beetje te ard te
rieën. Dan öör je der temissen bie. Ik bin nog gin tachtig, dus
nog aordig rustig. Ma as ik dat mag ore, dan za 't waa komme.
De wetenschappers dat bepaeld. Ze zulle 't wel wete, want ze
der vè duehleerd.
Ik zou 't leutig vinde om saeme mit een andere tachtigplusser
mit een skoetmobiel rond de Ouwen Aeven te scheuren. Azze
men der nog gin ene van de gemeente ehkrege dan stele men
der wel een, Ik verheuge men er noe al op. Ik 't nooit ehdocht
dat ik dat nog es mee zou maeke.
Ma ëëst mot ik nog drie jaer netjes leve.
m
Foto Rinus
Willemsen.
Harry Bööt. Zierkzêêe, april 2009
