TOCH NOG 'N BÖÖM
Aflevering 166 winter 2009
41
Wa lag dao noe toch, allef in d'n duif. Een kèsbööm. Oe kan da noe. Van
d'n auto van Gerrit gevallen, naotuurluk. Gerrit Peere, de groenteboer
die a d'altiet nést de deuren komt ei in dezen tiet kèsböömen boven op
het rek van z'n groentekarre liggen. "Groentéëé". roept Gerrit dan deu z'n
luudspreker en noe roept ie ook: "Kesböömééé...". Jao, Gerrit is daonet
voobie gerêêën, op weg nao 't durp. Dien boom is naotuurluk van da
rek afgewaaid, 't Is nie zo'n grööten bööm. Tuus èn me nooit een bööm.
"Flauwekul", zeg m'n vaoder. "Vëë te diere", zeg m'n moeder. En t'is toch
zö mooi, zo'n kèsbööm. En dao ligt t'r noe êêne. Graotis, vöö niks in d'n
duif. Die is dus eigenluk van gêên mens. Wan 't is naotuurluk nie zeker
da Gerrit 'm verloren eit. Z'ank 'm mee nao ruus nemen Neeë, noe nog
nie, wan dan zied iederéén me mee dien bööm lööp'n. En dan zeggen de
ménsen: "Oe kan da noe, bie die mensen èn ze nooit een kèsbööm. Dao
bin ze vêê te züünig vöö." 'k Gaon 'm een bitje vèdder in 't riet douwen en
a 't wa donker begin te worren aol ik 'm op. Zöö gaon 'k da doene. Èmme
eindeluk öök 's een echte kèsbööm. A t'niks kost za m'n vaoder 't ook wè
goed vinnen, dienk ik. 't Jao, toch dienk ik dat ie van Gerrit is. Da kan ost
nie anders. Mao goed, dan ao t'ie 'm mao beter vast moeten binnen, t'ls z'n
eigen schuld dat ie 'm verloren eit.
Zöö, die zit in 't riet. Géén mens die a t'm ziet. Noe mao wachten tot 't
aoven is.
't Duurden van daoge toch wè erreg lank éér a 't donker was. Mao noe was
't zoverre. Zonder dad iemand me zag sloop ik nést d'achterdeure nao
buuten. Zöö gauw an'k buuten durp was renden ik zöö art an'k kon nao
de plekke wao de bööm lag. Gelukkig, ie lag t'r nog. Géén mens te ziene. Ik
sleurd'n de bööm vlug uut d'n duif en sleept'n naor uus. Tuus zette'n ik 'm
rechtop tegen de schuurdeure. Ik gieng nao binnen. Aie, ze zaoten a aon
taofel, m'n vaoder, m'n moeder en m'n twéé zussen. Vöö a ze konden gaon
schellen op me of, erger, vöö a m'n vaoder me bie m'n nekvel kreeg, riep
De Kreeke achter den
Oek, bie 't Eiland.