42
Aflevering 166 winter 2009
ik: "Gao d's aomao even mêê nao buuten, wan noe èn 'k toch zo iets moois
gevonnen". Gelukkig waoren ze zöö nieuwsgierig da ze deeën wa'k vroeg.
Ik trok de bööm in 't licht van de keukendeure. M'n zussen dansten van
plezier toen ze dien mooi kèsbööm zaogen. Mao 't êêste wa m'n moeder
vroeg was naotuurluk""Oe kom jie daor aon, vintje". "Jao dao bin'k noe
ook 's nieuwsgierig nao", zei m'n vaoder. "Gevonnen, gewoon gevonnen",
zei ik. "Nest d'n duifkant in de buurte van 't sluusje". Ik zag m'n vaoder
dienken. En jao öór: "En dao was Gerrit Peere zeker net voobie gereeën".
Ik zei da'k da nie wist en da dien bööm dus eigenluk van gêên méns was.
Mao zöö makkeluk gieng da nie. Uuteindeluk kreeg ik d'n opdracht van
m'n ouwers om d'n volgenden dag êêst bie Gerrit te gaon informeren of tie
gêên bööm misten. Daonao zouwen we wè vedder zien. En jao öör, 't was
naotuurluk zukken werk. Gerrit ao aon 't ende van z'n ronde inderdaod een
boom gemist. Mêe êel vêe spiet in m'n stemme zei 'k "Dan kun j'm bie ons
opaolen, ee Gerrit, wan ik èn d'm gevonnen, in d'n duifkant bie t'sluusje."
Gerrit wist wè oe a bie ons de vlagge d'r bie ieng. Hij zei: "Luuster 's m'n
zeune, 'k bin blieë da je 't eerluk bin kommen zeggen. Laot dien bööm mao
bi judder staon, mao dan moe je mien vandaoge wè elpen, wan ik moe
nog êêl vêë bestelde böömen weg gaon briengen. Dan moe je die gevonnen
bööm mao as je löön ziene". Wa was ik blieë. k'Èn gewerkt as een pèrd, om
Gerrit dien dag t'elpen. Ik kreeg nie allêên dien bööm, mao ook nog twêê
kwartjes van Gerrit. Vaoder ei d'n bööm in een immer mee zand gezet,
m'n moeder ei echte kèsjes gekocht en m'n zussen èn allerlei versiersels
gemaokt vöö in d'n bööm. En ik: ik kocht van m'n kwartjes een echte piek.
Dien piek most er vöö zurgen dao we voortaon ieder jaor een kèsbööm in
uus kregen. En zo is t'ook gegoane.
Jan Lauret, dialect van Hoek
Muraltmuurtje bie den
Oek, Lovenpolder.