m van Abraham nog gebruukten. Op de Mulo wiste zu a langer wir attun de
52 Aflevering 171 voorjaar 2011
mosterd vandaen aelden. Ze goenge dur zelf wer om.
De schole wier edreve deur nonnen. Ik zegge dat zo naedrukkeluk mè dat
was ok zo. De nonnen waere de baes. Ik dur aolles an edae om dat te
verelpen. En zodoende krege mu tuus nogga is visite. Seur Scholastica liep
bie oans de deure plat. Dat was zwaer geschut, wan dat was dun öögste
nonne. En ikke mè beterschap belove en in die tussentied dienke wattak
nog is mier uut kon frete. Bliekbaer ei tut eholpe, wan toen ak ur ofgoeng
wier t'ièle zootje oppedoekt. t'Was begun jaeren zestig. Aollus was ant
veranderen. t'Onderwies goeng op de schoppe, zö a dat ièt. De waereit
bestoeng nie mi, de mièster ièt'n anièns Jan en dun ièste burn out liep te
janken op de gank.
Voe öans mikten dat aollemille niks uut. Me waere op un leeftied amme
joekte krege op plekken wir aje int openbaer nie bie konne. Me waere
zo orderig as un zootje koeien die a voe t'ièrst ni buuten mochte. En die
nonnen snapten dur niks van. Ze dochte echt nog a dun oeievaer op t'raem
klopt'n. Twint a tur voe dur oagen diengen gebeurden wir a dur kappe nae
van of viel. Int fietsekot bevoorbeeld. Aje afgoeng op de verhalen van de
ouwere jongens op schole gebeurden dur zovee ruuge diengen in dat kot ak
mun bienen naebie nie mi stille kon ouwe. Ik sliepe dur nie mi van. Sodom
en Gomorra op de Goese Mulo.
Di lier je temissen van, docht ik. Ik woue dur aolus van wete. En toen ak un
kièr stilletjes goeng kieke stoenge dur alliene mè fietsen. En die stoenge ok
nog netjes op slot. Dust watta dat betreft kank nie zegge ak op de Mulo vee
elièrd Ut voordiel was wè, ak temissun wee kon slaepe.
Nae de Mulo goeng ik ni de HBS. Ik zei ok a: mien tied kom nog wè, wan di
was ik op mun plekke. Temissen, dat docht ik. Mè die wier wee eregeerd
deur paters. Ja, je kwiem dur nooit van of aje liek as ik in un roms nist
gebore was. Paters wiste wè un bitje mièr van de weareld as nonnen, me zu
oarden dur toch ok wee nie echt bie. Zu missen toch wat, li mu noe ièrluk
weze. Ik oa op mun vuuftienden a mièr ant leven eroke as zulder, die a dur
neuze alliene mè gebruukten om te snuuten. Mè zu wiste wè percies watta
goed voe je was. Iets, wir ak ut ok wee a glad nie mee sièns was.
Ja, en dan kaje dur op wachte. Ik zatte a ièl vlug in de redactie van de
schoolkrante en wier dur nog vee vlugger wee uutedonderd. De verhaaltjes
die ak schreve
raakten de randen van het betamelijke" zei dun directeur, die a oales las
wat attur in eleverd wier. Bovendien, zeitun, om mien nog is un bitje ni
benee te aelen, oak mè un woordenschat van drieonderd woorden en ie
lachten dur zö gemièn bie ak um nog wè is tegenkomme in mun dromen.
En dat most um zegge. Ie ei gotfer zelf is un kièr zes weken niks kunne
leze omma zun wiesvienger int verband zat. Mè ja, dat maggie dan wee nie
zegge ee. En dat dee ik dus wè. Mee as gevolg attun liever mun ielen zag
as mun tiénen. En di kwiem nog wat bie. Toen ak van de HBS kwiem konk
nog nie rekene. ik slaagun mee un vuuve voe boekouwen en dirrom groeien
ik laeter iets minder ard as Albert Heijn. Ik kon de siefertjes we leze en ik
wist ok wè watta zu betièkenden mè ik wiste nooit wirrom. En di bink laeter
toch nog wè is un paer kier goed tegenan elope. Wan ik wete nog ak jaeren
eleje un kièr bie de belastinginspecteur most komme. Voe overleg, zei de
smirlap. Ik kwieme binnen, ie zei nie ièns gedag, ie gooiden t' ièle zootje