m
48 m
Aflevering 176 zomer 2012
Dan staon udder
vaoder en opa an
de kant en die zien
de joenge spruit
voetballen as de
beste.
m'n eigen. "Dao doen ze dat ook. Tenminste as ze drie punten te pakken
'èn." Mao zó'n joeng vintje die allêêne maor 'n paor trappen tegen 'n leeg
colablikje geeft, die dienkt toch glad nie an 'n voetbalwedstrijd op tv, zullen
judder zeggen. Best wel 'öör. Sommigste gastjes die dienken den 'êêlen dag
an niks anders dan an voetballen. Die trainen twi of drie kêêr in de weeke
en spelen 's zaoterdags 'n wedstrijd in udder competitie. En dan gaot 't 'r al
flienk fanatiek an toe. Kan je begruupen. Dan staon udder vaoder en opa an
de kant en die zien de joenge spruit voetballen
as de beste. En zö'n kleine gastje is 'êêl gevoelig
voor kritiek en ansporieng. En allemao doen
ze udder stiekende best. Toch? Maor as pappa
en opa dan nog 's 'n schepje kooien op 't
vier gööien, dan staot de booge wel 'êêlemao
gebogen. Zoue hie dan dao gèrn scheidsrechter
willen ziin? Nee toch? Want die joenge gastjes
binnen best kritisch, mao die ouwe lui (die an
de kant staon) niet minder ee. Mao da mag ook,
want je moet op je streepen staon. Je moet voo
j'n eigen opkommen. Mao 't moe wel redelijk
bluuven ee? En 't gaot om 't spil, nie om 'n
boerenschuure ee? Juust.
Die joenge gasten bluuven d'r mee van straote joengen, zeggen ze dan
tegen me. Die joengers en meisjes die voetballen, die zunnen de zaoken
nie rinneweren. 't Is 'n goeien investeering van de gemeente om de
voetbalclubjes wat te promoten. Kiek, dat 's ook mien gedacht. Want anders
lööpen ze udder eigen mao te vervelen, trappen ze rotzooi en zwèrven
die gasten deur 't 'êêle durp of de wijk. En noe weet je tenminsten wao ze
binnen: op 't voetbalveld.
Oh joa, m'n nichtje voetbalt ook. Al 'n paor jaor. En 't gaot primao. Op alle
posities zowat gespeeld. En voo mien is 't ook makkelijk. As ze verjaort dan
krieg ze mêêstentieds iets da mee voetbal te maoken 'eit. Nêê, ze trapt nie
tegen lege colablikjes die op straote liggen. Dat doet 't buurjoengetje allêêne
Rinus Willemsen