Ouddurps spulle 'ie
tussen haogten en
haemeete.
Aflevering 176 zomer 2012
naer beneeje of je zakt deur 't schelft7. De jonge'ies bedaere in göö naer
melêêgen, zodat opa 't hööi of kan gööie. 't Woordt een flienke klampe,
want aok voor mèrge gooit 'n naer melêêgen. As alles klaer is, göö wëêr in
huus. Opa zet een bakkie koffie, in schinkt wat verdinlimenaode in. As ze
an den taefel zitte, vertelt 'n van opoe, dat ze op de haemeete8 de geite, in
den ouwen witten melkende. "Joeles grootmoewder was hêël precies. Dat
zulle joele wel van heur hè. Want ik hè "ezieje datte joelie zo net'ies kunne
wèrke." Hie missende opoe vrêêselek! Dan docht 'n: Wat fijn dat joele d'r
binne. mar hie zeit 't niejt. Gêên méns mocht weete dat 'n verdriejt hao.
Vooral op Haoge daegen, dan was opa altied stille. Alles was verbie, z'n
cameloten waere 'esturve. Opa was allêêne in de wintere, mar gelokkug
waere de jonge'ies bie z'n.
"Kom op jongens stoppene is gêên schovene9. We göö nog wat hout zaege.
In 't hof stööt een grööte bankschroef, dêêr zette ze 't strangehout in. Mit
de trekzaege zaege ze 't hout an stikken, die Hansie in de kruuwaegen doet.
As 'n vol is, riejdt opa 't hout naer de houtklampe in deer ligt 't dan te
wachtene toet 't in de gemesselde10 kachel opestookt woordt om waeter te
kokene voor de was of poters voor 't vêrke.
't Is elf ure. Ze stoppe in göö in huus. Opa neemt een kojakkie en wiele
kriege een glaesie mit suukere mit en klein beet'ie stérk d'rin. Asse ze
uut'erust binne go ze naer 't droaghok. "Jonges, de win'meule mot naer
buuten toe. 't Is mööi helder weer in we motte nog een paer baelties kers11
over de meule doewe. Omdat 't laete uutgehuste kers was, hao 'n ze an een
paer ruiters op de haogte12 te draogene 'ehange.
Mit de snêêuw hao opa ze binne 'ehaeld in noe motte ze over de meule, om
de kers te zuuverene van alle blae'ies in takkies ströö. Opa draoit precies
harde genoeg, in de jongeties giejte de kers egael in den bak. Stof, blae'ies