Aflevering 176 zomer 2012
De schaljebieter en de roenkel
Een schaljebieter en een roenkel
Die zatten op een ochend vroeg
Toen a 't net negen uren sloeg
Op 'n blommetje van een renoenkel
Noe weten j'a de schaljebieter
En roenkels, mè ok maêneschieter
Mööi foenkelen en blienken kunnen
Vooral in 't schiensel van de zunne
Ze wientkten mie d'r periscopen
En dee- enn iets d'r vleekens open
Zö da ze wermte van de zunne
Wat beter voelen zouden kunnen
Vee tintelende weerschienkleuren
A 't zunnetje wat oöger kwam
Wazzen toen duud'lijk te bespeuren
A 't licht 'et van 't duuster overnam
En twint a ze d'r vleekens streken
En schielijk nï mekaren keken
Was 't net of a ze wouwen zèn
'k Gaê ier bedêêm eitjes lèn
Dat was noe is een kêêr gin liedje
Mè zo mè een klein akkefietje
Misschien nie veel de moeite waêrd
Je zie mè of a je 't bewaeêrt.
Bei Cok
Schaljebieter. loopkever, carabus auralus
Roenkelmeikever, melontha
Het melkbussie
Groös riejt 'n mit z'n nieuw gemoffelde fiets naer schoole. An 't stuur
bungelt een roestvriestaele melkbussie. A's 'n uut 't fietsehok komt, roope
de kinders:" Ha melkbussie!" Geert zeit: "Bluuf noe mar van dat bussie of,
want aors krieg 'ie mit m'n vaoder te doewene.
De twee neefies Klaos en Geert binne 10 jaar in zitte saeme in den vierden.
Ze doewe alles saeme. De meester heit ze dêêrom al uut mekaore 'ehaeld.
's Middes om half viere göót de schoole uut. De twee neefies rieje over 't
zandweegie langs 't kèrkhof toet bie 't liejt'ie van de Klarebeek. Ze fletse