m
54 m
Melkbussie.
deur 'touwe kèrkpad naer de Klarebeek. An weerskanten is 't pad begroeid
met haoge iepen, 't Melkbussie hust an 'tstuur naer alle kanten. Mo j'
kieke, Klaos deer zit een specht in den baom. Een end'ie voarder laope
twee haezen achter mekaore over de tiende mêête. Wat is 't hier toch mooi
tussen de haogten op zöö'n zeumersen dag.
"Riejd toch niejt zo harde Klaos, lae m'n nog even bie de koeiepit kieke.
Dêêr mot een liesternist zitte met jonge. De gele koppies steke
al boven 't nissie uut. Kiek, den ouwen gööt met een snaevel vol
wurremen de jonge voere."
"Kom deur, we motte nog een haop doewe."
"Ja,ja ik komme al."
Op den hil an 'ekomme, komme de ganzen gakkend aanvliege.
Geert scheert langs de gent, in met een draoi van z'n fiets
komt'n mit z'n kop tussen de speaken. Kee de boerin ziejt
't maakt de ganze los. Mit z'n vlèrken wieduit vliegt 'n de
haemeete op.
"Joeles ketelpakken hange in 't waegenhuus, gauw de beesten
go doewe!"
Mit twee hingelkurven göö ze de haemeete op. Deer stöö driej
hoenderkotten mit ongeveer duuzend hoenders. De jonge'ies
hèwe wel een ure wérk om al de eiers te gaerene, in in de
eierkisten mit rekken te doewene.
"Hier weer een dööd hoen, dat is noe al den zesden die den bunzing
döód 'ebete heit. Kiek hier zit een gae'ie in z'n poot, dêêrdeur heit
'n al het bloewd op'ezoge. Laete men hier mar begraeve, het zesde
kruus der bovenop. Wel ne'ies op een rij'ie. Zóó kriege men een hêêl
hoewnderkèrkhof. Vang joe Jopie de pony even? Dan kunne men zöö
inspanne om te göö melkene. Kom mar Jopie, niejt biete. Ik doewe je toch
gêên kwaed? Jopie wacht joe hier mar bie 'twaegenhuus, dan brienge wiele
de eiers even weig. Zo das klaer, Neem joe 'thaempie in 't bit mee? Kom
Jopie je bek ope in dan achteruut de burry in voor de karre. De stringen
vast an 't zwinge in vort, êêrst naer de wegt, de melkbussen ophaele."
Saeme zitte de neefies even uut te puffene op de karre. De koeien laope
hêêlemaele op de achterse mienege. Laom laopt de pony deur 't liej 'ie, het
duurt dan aok wel een hortie voordat ze bie de koeien ankomme. Zöö as ze
de melkbussen hööre rammele, komme de koeien naer 't hek. 't Ouwe Jan'ie
is ter têêrste, want ze lust graag lienkoeke. De Blaeuwen, in Hoek volge.
"Kom hier bêêst, nog êêne step, in je stööt vast an de paele."
't Vaersie is moeilijk te vangene, ze heit nog maar net 'ekalfd.
"Wêêr is m'n melkbankie noe 'ebleve?"
"Deer an de hoagte." "O, dankie," Hie steekt z'n hööd tussen z'n flanke,
zöödat 'n 'ewaerschoewd woordt assen wil slöö. De vliejgen steke venijnig,
dus kans op een nemmer zand kan d'r makkelijk inzitte. Eerst pakt 'n de
twêê voorste spenen. Mit gelieke tred niept 'n de melk van boven naer
meiegen in de nemmer. As de melk valt. is t'r al gaauw een laege schuum
op, in 'tgoot als mar van tss.tss, tss,tss. In tiejn minuten is de nemmer vol in
bie 't leste bee'ie melk niet strêêpe, want dan krieg ie een ontstoke elder. Zo
een bee'ie spenezalve d'rop in 't ouwe Jan'ie kan wêêr de weie in. Noe is den
Blaeuwen an de buurte. Ze stoot al zenuwachtig heen en weer te trappelen.
Kom mar hier dan zal ik joe eerst de boeiketting 's andoewe. Ze tjoetert
even mit d'r pööt, mar geeft d'r eige dan over in bluuft noe ne'ies stille stö.
Aflevering 176 zomer 2012
