m Ie stond onder leiding van de Heer Schutte. Un gedreve zangleraer uut Bèrege,
44 Aflevering 179 voorjaar 2013
die 't vö mekaore kreeg een stelletje meiden zonder eênige opleiding De
sneeuwkoningin te doen opvoere. Zelfèk alleen een foto, waer at m'n eêne
zus opstaet as de westewind, in d'n anderen as hofdame. Zo'n uutvoering was
aoltied in de zael van 'Oek. 'Feestzaal' stong boven de deure. Oak noe ka'je
dat nog leze. Mien eêste gang nae die feêstzael was die as van zo vee andere
kinders. Iemand van't Oranj'uus verjaerden in dan giengje deur de versierde
straeten van Thole nae die bewuste zael. Ma, 'n bewuste herinnerieng an de
zael van 'Oek is 't toneelstuk van de gereformeerde jongelingsvereênigieng. 't
eêt'n 'Ende Dispereert niet', half vijftiger jaren.
't Gieng over un gezin in d'n oorlog, waerat de eêne zeune in 't verzet zat mè
d'n anderen produits was. Aedemloös emmen gekeke nae die toneëlspeêlers
die a je in 't geweune leven aolemae kenden as Piet in Corrie in as Otto in
merie. Laeter krege m'n een roöje kruus film. 'k weet nogpercies waer a m'n
zaete as vriendinnen, dicht bie die groöte kachel waera 'n scherm rond stong
om de felste wéremte tegen 't ouwen.
Ma 't aogtepunt was toch 'n aevend die uutgieng van 'de Maatschappij tot Nut
van 't algemeên
Nota Bene, de Opera in Thole. 'La Traviata' van Verdi. Uutgevoerd deur 't
Marionette-theater uut Rotterdam, 'k gloöve at 't nog bestaet. Weken emmen 't
r nog over g'ad. D'r zat dus opklimming van de cultuur op Thole.
Aok un film mit 'Silvana Mangano' in de hoofdrol was onvergetelijk, 't Is m a
un greep. Toch was je belangstelling gewekt voö je laetere leven in dae bin 'k
nog aoltied de daebie betrokke mensen dankbaer voö
Sins 1996 is t 'r de. 'Kunstroute' die at noe werkelijk alle onderdeêlen van kunst
laet beleve in zien.
De zael van 'Oek ofwel de 'Feestzaal'.
