m
48 m
Aflevering 179 voorjaar 2013
Tholen Oans eiland
Oans Tholen is gin eiland mi, a wor tet nog ezeid
Wan d' Oester- en de Philipsdam die bin noe an-eleid
En dideur kü je noe van 't eiland of ni ied're kant
Ni Flupland en nï Bergen en ok ni Zuud-Beveland.
Tholen, deel van de
geve! van het stadhuis
foto Gerrit Meerman
Refrein'.
Tholen oans eiland, dat staê bovenan
Me bluven ier weunen, zo lank a 't mè kan
'n Tholenaêr gaê ier zelden vandaên
Die ei gin behoefte van 't eiland te gaên.
Wannéér a je in Tholen weunt, in Poo'fliet of Smèrdiek
Dan voel je dï je 'n eigen tuus, da's overal geliek
Kom je uut Scherpenisse, Staëvenisse of St Alland
Uut Flupland of Oud-Voss'meer, êêmal an de an'dre kant.
In aal de oeken van oans eiland is et leven goed
De kinders en de vrouwen zien d'r uut as melk en bloed
Verêênegiengen bloeien, die bin d 'r een êêleboel
En ieder die ier weunt, die ei z'n eigen Thools gevoel.
En iederéén die a nog nöóit op Tholen is ewist
Die mö beslist is kommen, wan die ei een boel emist
Et is de moeite waêrd om is oans eiland rond te rien
Je wor ier goed ontvangen en d'r is een ööp te zien.
Bei Cok
Ome Wannes en kreukels mit krentebroöd
Eten julder mit Paese oak kreukels mit krentebroöd? Bie ons op Thoole is
dat 'n tredisie. Wae 't vandaen komt? "k Zou't nie wete. Ma tredisies mot 'n
mens in ere 'ouwe, dus oak deze keer weer: kreukels mit krentebroöd. En
dan peutere mit 'n veilig'eidsspelle, of 'n dikke naelde. De dekseltjes van de
kreukel, die mö je geweun op je puntje van je tonge laete zitte, en dan ver-
zichtig uutspuuge..Zo mot 't. In 't streeksmuseum in Stalland leggen d'r eêle
sjieke kreukelprikkers. Die mot de koningin ma gebruuke as 'n keêrtje komt.
Noe beteken sjiek oak nie alles, 'n Moöi voorbeeld is 't verhaeltje over ome
Wannes. 102 jaer mocht 'ie oöre. Ie was nie alléén 'n begrip in de fermilje,
oak dae buuten. Ooit was 't ie lid van de ziekefonsraed, 'n soort onderne-
mingsraed was dat, dae zaeten dokters in, ma oak geweune mensen. En in-
dertied vonden ze mien ome Johannes dae meraekels voö geschikt. Nae vee
jaeren trouwe dienst stapten 'ie op en d'r zou 'n etentje komme. De heren
wouwen indruk maeken bie deze éénvoudige - ma slimme - man en giengen
eten bie Interscaldis. En dat voö 'n errebeiersknecht van 't Ouwland!
D'n anderen dag zag ik 'm.
En, 'oe was 't? Je zou je tonge achteran slikke, zo lekker... Kreukels,
zeekraelen, 'n ouwe klaertje..
Z'n oagen glinsterden toen die dat vertelden. Want ome Wanne en tante Je-
wan weunden op de'n Driehoek, vlak onder de zeediek. Dat speciale maeltje,
zeekraelen en kreukels, van Maartje Boudeling was ongeveër daegelukse
kost voö ome Wannes.
