Aflevering 180 zomer 2013
Waor ligt dit land op d'Atlaskaort
en dat stik an den overkant
De Schelde die vee plaotsen raokt
liggend an 't Noordzeestrand
Waor êêns de zêêën braoken
kwam dao de waotersnööd
Deed alles op z'n grondvesten kraoken
menig Zêêuw vond toen de dööd.
Waor klienkt de leus: Luctor et Emergo
het brandend 'èrte was nie te doven
Aomen en het zij zo
De Zêêuw worstelde zich wee boven
Waor 't vlas riekelijk bloeiende
Tèrvekorrels getrokken wieren van d'aoren
En de klaprozen nog weelderiger groeiende
dat is mii biegebleven uut m'n jonge levensjaoren
Waor 'k kruukels mee goeng zoeken
stêênen oplichtend an de zêêdiek
Vol verwachtieng wachten 'k op de koekoek
Wat voelende ik mien riek
Waor 'k in gedachten nog voelen de wind
Die in de polder en op den diek waoiende
Zó 'ard in de öögen van 'n kind
Ménsen groetend nog naor mekaore zwaoiende
Terugkiekend in m'n 'errinneriengen
en even stil bluuf staon
Bie zövee schoöne, angenaome diengen
Maor ook weten, dan 'k soms ménsen zêêre ei gedaon.
't Leven gaot vèder, zó zal 't altied gaon
Al bin 'k maor 'n sémi Zêêuwse vrouwe
Ik dienken d'r daogelijks an
En bluuve altied van m'n stikje Zëêland 'ouwen.
Roos van Veen
M'n Zeeuws-
Vlaamse land.
57
