m Zêêuws-Vlaomse steden
60 #Tl Aflevering 180 zomer 2013
Sluus een stad an 't waoter, an het móóie Zwin.
Noe is 't êêuwen laoter, mao da was 't begin.
Standbeeld van Van Daole, van Jantje van Sluus.
Maor oek vele Belgen voelen der zich thuus.
Sluus een stad vol leven, altiid iets te doen.
Net as êêuwen vroeger, as den tiid van toen.
Ouwste stad van Zëêland, óóit Romeinsen burcht.
Een stad vol historie, 't móóie Èrdenburg
Wao Sint Baofs óóit baos was, 't echte monnikswèrk.
De bewiezen ziin der, de Sint Baovo Kérk
Bezoek poort èn wallen, van dien ouwe stad
èn je zult ontdekken, 't is een echte schat.
Sint Amandus zou in Oostburg ziin gewist,
mao da wor deu velen, toch nog wè betwist.
Schutspatroon van smeden, eiligen Elööi,
zou daor oek gewist ziin, het verhaol is móói.
In den lesten oorlog grótendêêls vernield.
Noe het móóie centrum dat de streek bezielt.
Vèrreweg het kleinste stadje van 't gebied
Maor het is een pèrel, 't is het schóón Biervliet.
Mee 't Hervormde kèrkje, meulen op de wal.
Èn een ouwe durpskèrn, polders bovenal.
Ööit was het een eiland, uut de zêê gemaokt.
Noe gezellig plekje, wao Beukelszóön waokt.
Terneuzen èn Schelde, haovens, industrie.
Altiid êêl druk bezig, rusten doet het nie.
Gróótste stad geworden, moter van de streek.
Toch altiid gebleven, stadje an de kreek.
Stad om in te weunen, stad om uit te gaon.
Stad om te vertoeven, stad van ons bestaon.
Axel is het centrum van het platteland.
Burgerij èn landbouw gaon daor and in and.
Ööit een stad an 't waoter, rustpunt van 't gebied..
Noe veel êêuwen laoter resten kreek èn riet.
Mao wat is gebleven, is geborgenheid.
Is mekaor goed kénnen, is gezelligheid.
Luuster es in Ulst nao slimme vos Reynaert.
Het verhaol voo t' naogeslacht zó goed bewaord.
Gaot es naor het staduus, nao de basiliek.
Èn je zult beaomen, ööit was Ulst êêl riik.
Poorten èn de wallen, neemt die der oek bii
èn je zult ontdekken, móóier vin je nii.
Leen de Jonge, Evergem, winter 2012
