Aardenburg, Zeeuws-
Vlaamse stad.
Melodie: refrein 'Aan het
Noordzeestrand, Waar het lied der
branding ruist...'
Aardenburg kikkerstad.
Mun eeste radio
't Was in ut begin van dun oorlog, ik was un jaor of elve en toen bouwd'n
uk m'n eeste radio, 't Was un eel eenvoudug dienk, maar dao kwam geluud
uut.
Ik zan is vertell'n oe a ta zat. Mun vaoder die ao un fietsezaokje op den Oek.
Die maokten nie alleen fiets'n, mao ook naaimesjien'n, soms pann'n of un
bril soldeer'n en ook wè un ienkele keer un radio rippereer'n. En da nie
aljeen, ie bouwd'n ook radio's. Da wier toen wè meer gedaon wan nieuwe
radio's kosten vee geld en da ao nie iedereen. Un radio was in dien tied nog
iets biezondurs, die ao nog egt nie iedereen. Voo sommige mens'n was ut
ook nog un duvelskastje waor a ze bange van waor'n Ja, da's egt wao woor.
Dur waoren mens'n die un radio aoden, maar bie un sterfgeval da dieng
hoet afdekt'n omda ze ut nie vertrouwd'n. Je wist mao nooit wat tur zig in
zo'n kastje afspeeld'n. Noe waoren wieder gelukkug dien tied a voorbie,
m'n vaoder ao wa boek'n over draodloos geluud overbriengen, waor at tie
gereguld in zat te leez'n. Ie wist dus wa tur in zo'n kistje zat. Un wirwar van
draodjes, mao geen duvels of ander geestug gedoe.
Ik wilde da ook wè kunn'n, 'k vroeg um wa 'k dao voo nodug ao. We keek'n
is in de dwooze mee onderdeel'n en waorachtug alles wa'k nodig ao zat dur
bie. Un koptillefon, een kristaldetektur en un konduzzatur die deu de ronde
kon draai'n. Vedd'r nog un paor draodjes en un paor
diengetjes, bananestekkers zeiën ze dao teeg'n, om alles
in te steek'n. Oo jao nog un plankje waor alles op vast
gemaokt most wooren.
Awèl ik ao da gedaon en ik dee dur un antenne en un
aordleidink an. Die aonk mao te pakk'n wan die lag al
in uus om vaoder zijn radio te laot'n speel'n. Laot dur
noe direkt muzziek uut die koptillefon kommen. Ik zo
trots as as un pauwe natuurluk. Toen gieng ik is an die
konduzzatur draoien en dur kwaomen meer zenders
uut. Mun vaoder kwam ook is kiek'n wa'k ammao klao
maokte. Ie haf un douw tegen de taofel wao a mun
Aflevering 180 zomer 2013 61