M'n tante weunende toe op zolder bie Piejt Bosland, noe supermarkt
Accent.
D'r eige huus was verwoest, d'r was 'n luchtdrukbomme in de buurte evalle.
In laeter in de middeg keken m'n bie heur deur 't raem zöo op de
muziektente
Voor 't gemêêntehuus: twêê boerewaeges, wat steigerpaelen in 'n zeil,
In dêêruut klonke de deunen die je al kon, want 't repertoire was beperkt.
D'n allegorischen optocht kwam verbie,
Want dêêr waere ze goewd in op 't durp, in allegorische optochten.
Dêêr kwam de waegen, wêêr twêê van m'n nichten mit drie vriendinnnen op
zatte.
Ze rustende op 'n stellage van veilingkisten,
Dei listig mit etteleke rollen wit pepier 'ecamoefleerd was, in mit brem
versierd,
Want dêêrvan groeiende d'r genoeg op de haogten.
Als reine Hollanse maagden zatte ze dêêr in d'r witte jurken.
Ze hieuwe ielk 'n letter vast.
Hulde, zei m'n tante, want ik kon toe nog niet niej leze.
Hulde voor de nieuwe keuningin, in aok nog 'n bee'ie voor d'n ouwen.
Heulie wonge de êêrste pries.
'Pertret van Wilhelmina hè 'k altied nog, mar 't zit noe in 'n ouwe dööze,
Want 't keuningshuus in de kaemer hange vin 'k zelf wat overdreve.
Mar de woorden van Juliana, die ze zei in d'r êêrste rede as keuningin,
Gebruuke 'k nog regelmaetig, in gedachten,
Mar aok wel 's hardop, a 'k 'n vervelende opdracht kriege:
'Wie ben ik, dat ik dit doen mag?'
Erewacht, 12 september 1967
Grenadier der eerste klasse was ik twint,
Van de koningscompagnie, zööas dat hiejtende:
Gediplomeerd boordschutter, radiotelefonist in hulpchauffeur
Op een panservoertuug, zöö'n YP408.
Soms moste m'n d'r op uut voor 'n êërewacht,
As de keuninginne vorstelijk bezoek kreeg,
Of mit prinsiesdag voor de gouwe koese marsjeere.
Mit zoo 'n höóge bêêremuste op je heersens.
Ik weet nog da 'k mit de compagnie, 120 man stérk,
Driej daegen nae Amsterdam most, om voor paleis op d'n Dam te stöön.
De groothertog van Luxemburg kwam op staetsbezoek.
Mit bussen wiere m'n d'r heene ebrocht
In bleeve net zöö lange in 'n kazerne bie Artis dat 't bezoek duurende.
Bie de Beurs van Berlage
Wiere m'n diejn éérsten ochtend eformeerd,
Dêêr kwam ie aok wêêr vromme
In brochte m'n d'n dag deur mit kaerte in leze
Aflevering 180 zomer 2013
63
