m Toet 't haoge gezelschap wêêr vromme kwam,
64 Aflevering 180 zomer 2013
Want dan mos ie wêêr voor 't paleis stöö.
Over d'n Dam marcherende m'n d'r naetoe.
Dëêr wiere m'n uut'ejouwd door provo's.
Even laeter stienge m'n voor 't paleis,
Reks van de ingang. D'r lag 'n rööje laoper uut.
Je most rechte voor je uut kieke, mar as ie opzieje loerende
Ko 'j toch alles wel zieje.
Over de rööje laoper kwam de keuningin mit de hertog nae buute
Ze gienge uus inspecteere. Je most je hööd dan nae reks houwe
In langzaem meedraoje toe da j'wêêr stram rechte voo je uutkeek
In intussen je geweer presentere: Vuuf kilo rechte voor je lief houwe.
In dat duurende soms lange, zodat t'r of in toe êên de zeilen streek,
Mar die wier dan, na 't gekletter van 't geweer, dat êêrst viel
Geruuslöös of'evoerd deur hospikken.
Juliana keek ielke soldaot ernstig in de aogen, aok mien.
In da dee m'n toch wel wat!
Toet 't allemaele achter de rik was, moste m'n nog bluuve stöö
Want d'r kwamme nog alderlei haoge gasten, die zouwe bluve logere.
We moste geregeld nog 't geweer presentere.
Toe beurende d'r inêêns iejtewat geks:
Over de laoper liep d'r 'n diplomaot, 'n Aziatisch type, mit zöö 'n
diplomaotekoffertie.
Inêêns klapt ope in wat valt d'r op de laoper?
'n Gestrêêpte pyama in 'n tandebostel in 'n tube tandpasta.
Een lakeie schoot toe om 't op te gaerene.
D'n aoren dag stieng d'r 'n foto van in de krante. D'r onger stieng:
'Zelfs uit de stramme gelederen der garde grenadiers klonk een homerisch
gelach.'
D'n vaderland getrouwe, 27 april 2013
't Was 28 april 1967, nog in d'n vroegen ochtend
Dat m'n 't bevel kreege an te treejene in êêrste gries,
Je nette uutgöönsuniform, in aok mit je geweer.
Da's toch wel wat bezonders dochte m'n toe.
In dêêr stienge m'n dan mit 't hêêle bataljon
In stramme houding op 't grööte square bie de
kazerne.
Toe riejp de overste mit 'n grööte keele:
Over d'n Dam "Heden maak ik bekend dat hare koninklijk hoogheid, de prinses van
marcherende Oranje,
m'n d'r naetoe. Gisteravond bevallen is van een welgeschapen zoon."
Laeter bleek 'n Willem-Alexander te hiejtene.
Toe moste m'n 't geweer presentere, in onger de klanken van 't Wilhelmus,
Op ouwerwesse wieze wier 't op éên trompet 'espeeld,
Wier plechtig lankzaem de vlagge in top 'ehese.