66 m
Aflevering 180 zomer 2013
Kaatje en Siemen
Kaatje van Wanne van Siemen van Aêrnoud
Stoengen te gaêre te vrië-en voe et raêm
Kaatje stoeng binnen en Siemen stoeng buten
Om 'n eindje te kuiren was 't weer nie bekwaêm
Êêst regende 't zachtjes, mè 't begon aal mè arder
D'r kwammen vee blaêsjes op de plassen te staên
Kaatje stoeng binnen en Siemen stoeng buten
't Klapraêmpje aan ze op een harretje staên
't Raêmpje, zei Kaatje, kan nie vadder open
Zet jie voe de regen een têêl'op j'n öód
Die staên di kortbie d'r een paêr op d'n têêltuun
Je'n aêr wor nie nat dan, wan je öód is zó blóöt
Steek jie j'n ermen is deur de harre
van 't raêmpje.
Siemen die dee dat en ie zette de têêle
Mie de bovenkant zöö op z'n moöi krullend aêr
Kaatje most lachen, ze zei: kiek noe bluuf je drööge
Ja mè, zei Siemen, die weeg toch wè êêl zwaêr
Steek jie j'n ermen is deur de harre van 't raêmpje
En ouw dan mie j'n annen de têêle is vast
Anders dan vaal die misschien nog ik stikken
Wan ik mö zèn a die nie zö goed past
Siemen die lacht'in z~n eigen, ie verzon toen een grapje
Wan net toen a Kaatje die têêle vast aa
Goeng ie inêêns achteruut mie een stapje
Stomm'rik zei Kaatje Die kan nie deur het raêm
Kaatje is toen zeker een groot allef uure
Mie die têêl' in d'r annen deur dat raêm bluven staên
Wan ze wou toch nie a t'n in stikken zou vaalen
En Siemen is stillejes in 't blóöt óöd wig egaên
Bewerkt door Bei Cok, Kruiningen,
eerder verschenen in Ons Zeeland