m
40 m
Aflevering 181 najaar 2013
De Gentse Poort
in Hulst.
kik: noemt'r mij dan 's twêê en dan öör'k mêêstal niks niemêêr. Da zeej'k
dus öók tege Rinus, maor ik most'm wel wa gelijk geven: dao zijn d'r wel
'n paor bij daor keuj wel 's wa d'outen mee gooien. Maor list d'n andere
kant: dao zijn d'r öök bij die keun ulderen eigen of nog nie onderouwen en
die zouwen dan 'n êêle gemeente de baos keunen! Nêê, naomen noemen
doen'k vaneigen nie, mao deenk nou maor nie datta d'allëënug in Ulst
zöö is óór, in die andere gemêêntes eij öök van zukke portretten zitten
vaneigen. Polletiek dus mao nie. Nou zat'k toevallug voor wa d'anders in wa
d'ouwe papieren te blaoren wao'k vazeleven 's wa spreuken opgeschreven
aoi. Spreuken die an messchien allêênug maor bij ons gebeesd öören,
teminsten da deenke kik. Messchien ook nie óör. Waor zegge z'öök nog:
da kuutjen zal nog wel 'n koddeken èn? Ik sukkel mee mijne gist? Nou zakt
mijn schof in? De bêënen moet'n't gat verkööpen? IJ ètt'r n'n neuk van aon?
Watt'r mee bedoeld öör da weete zelf öök wel zeker eeh? Nêê? Deenkt'r dan
nog maor 's êêl goed over naor.
Iets anders: nou daor stao d'öök 'n begijn
voo te lezen. Da d'öör overal gebeesd,
maor de deez' da zouw'k nie weten. Werken
is zaolug zeete begijn en ze deej 't nie.
Of: werken is zaolug en ze droog ëênen
böönestaok; ze roerdegen eure pap mee
ne priem. Oök leutug, al za't voo die begijn
wa minder zijn: ge lööpt of t'r 'n begijn
te gêêselen val. Ou êël veel aosten net
oft'r iets te doen is datte moeite wjèrd
is. Weete gulder eigeluk nog wa begijnen
zijn? Ik èn da zelf öök op moete zoeken
öör. Ik zal't op mijn manier uitleggen: 'n
soort klooster voor vrouwen die an ulder
toelejen op de verzurging van zieke en erme
mensen. Echte nonnen waoren't nie, want a't'r op aon kwam, moste ze nog
trouwen. Eigeluk was't dus 'n soort teguis voo vrouwen die an nog gêêne
vent aoie keune vinnen. Zööiets lik as 'n asiel voor onden en katten zöö
lank an die gêên baosken èn. Wiste gulder datt'r öök mannen waoren die
zöö leefdegen? Da waoren begarden of bogarden. Ze zeggen datte naom
Bogaort of Bogaord die a d'ier êêl veel voorkom, daor van afkomstug is,
al zoud't aon veel van de Bogaors die anne kik ken anders nie zeggen? In
de passant zijmen wel ëêlemaol afgedwaold vaneigen, want da zijn gêên
spreuken niemêêr. De deez wel: Nou schiete toch wel meete laoi. De laoi da
schijnte kolf van 'n geweer te zijn. Daor öör tan mee bedoeld dagge gij of
wie dan öök vrëêd zit te stoefen.
'Ge zit daor net of g'n test gebroken èt'. Da moe'k nie uitleggen zeker eeh?
"n Ouwe schuur wil goed brannen'. A d'n koppel da d'al wa d'ouwer is,
nog aont vraien slaot, dan gaot'r da ammets nogal 's evug aon toe. Maor
genoegt, allêên êênen daor wil'k ulder 's naor laote raoien. 't Schijnt dattie
van Desnis afkomstug is: Waor an zukke winden waoien, zijn mensen thuis.
Weet't of deenkte dagg't weet, geefta dan maor 's deur aon Rinus, dan kom
't wijjer wel op zijn plek.
'fyW'to
Meete komplementen uit 't Land van Ulst va Jorus van Röömersdijk
