VERHALEN EN GEDICHTEN
42 Aflevering 181 najaar 2013
Ruth
In Isrel was den oest nog maor es mislukt
èn dao ging natuurlijk iederéén onder gebukt,
daor is zelfs een koppel nao Moab uutgeweken,
a wieren die dao dan wè wa schêêf bekeken.
Wan Moab èn Isrel waoren géén beste buren
èn da zou zeker nog vee jaoren bluven duren.
Z'aoden udder boeltje daor in Judao verkocht,
mao dat toen maor ëël weinig opgebrocht.
De centjes raokten op èn 't nöödlot sloeg toe.
't Wier echt een êêlen zwaoren tiid voo Moe.
Wan der man stierf èn oek udder twéé zeunen
èn de vrouwe zei ik bluven ier nii mee weunen.
Ze gieng t'rug èn der schoondochter gieng mee.
Saomen, nao d'andere kant van de Dööie zee.
Ze is dan nao de buurte van Betlehem gegaon,
wan daor ao lang geleejen der wiege gestaon.
Op een veld bèn ze gaon zoeken naor aoren
die an deu de maoiers achtergelaoten waoren.
Wan in Isrel bestong der al êêuwen een wet,
voo d'èrmen most j'iets achterlaoten mee opzet.
Da land was van familie van der man, van Boaz
èn die ao daodelijk in de gaoten wien a da was.
Die vroeg an zijn maoiers om méér te mossen
dan mosten die vrouwen nii z5ö ard prossen.
Die èt den eigenèr van da stikje land gezocht
èn da toen voo die vrouwen wee terug gekocht.
Boaz wier verliefd op Ruth die jonge vrouwe
èn achter een stuitje vroeg die om te trouwen.
Die zei Ruth dat is echt mijn allerdiepste wéns,
oek a bèn je een vrèmdeling van over de grèns.
Ruth most daor echt nii lang over prakkezeren
wan z' ao dien jongen boer lêêren waorderen.
Nii te lang daorop bèn ze dan oek getrouwd
en èn een fêêste van een êêle weke gebouwd.
Ze kregen een zeune èn noemden em Obed
èn die èt dan weer Isaï op de wèreld gezet.
Wien da was weet je misschien oek nog wel,
de vaoder van de laotere koning van Isrel.
Ruth, de jonge vrouwe waor a 't ier over ging,
was d' overgrootmoeder van Daovid de koning,
wil je dao 't echte verhaol nog es over naolezen,
moe j'in den biibel in 't ouwe testament wezen.
Èn dao schiet me noe net nog iets te binnen,
in Jezus zijn stamboom gao j'oek Ruth vinnen.
Laot dao misschien je gedachten es over gaon,
Jezus ad een allochtone in Zijn stamboom staon.
Evergem, baomesse 2011, Leen de Jonge
