48 m
De petrolieman.
vanwege de broadnoadige petrolie vö de lampe mee kraèltjes, die boven
de taèfel vó 't raèm ieng. In ok nie vö 't kookstèl in 't achter-uus.
't Was de kinders alleêne ma begonne om 't tiedschrift "De Automaat" dat
deü de firma mee dezèlfde naèm wier uit-egeve. 't Was eigenlijk ma 'n kleine
kraante van 'n paèr pagina's mee berichten waèvan ik nie ml wete waè die
over gienge. Neê, 't gieng oöns alleêne ma om de spannende aèventuren
van 't kleine zwarte jongetje in de wekelijkse strip in "De Automaat" De
laoste regel van 't ver-aèltje laèze m'n altied aardop mee. "Oe 't vérder
Puupje Drop vergaèt. Lees je in
de volgende Automaèt."
Vandaège d'n dag kan dat nie
ml. M'n mö noe zéér verzichtig
weze, zégge ze. Da m'n aandere
landgenoaten niet krenke,
begriep je wé? 'n Vrolijke indiaan
as Kluk Kluk bie Pipo de Clown
mag ok nie ml. 'k Vraège m'n
eige wé 's aof of m'n nie 'n bitje
té verzichtig bin. Verlange aol
die verschillende soorten van
ménsen dat noe wél aollemaèle
van mekaore?
Kiek, uutschèlle of spotte mag
natuurlijk noait, ok nie mee
iemaand z'n roaie of zwarte of
witte aèr, z'n sproeten of z'n
wipneuze. Om nog ma te zwiege
over z'n manke been. Da mog
vroeger ok nie. Ma d'r gewoon over praète, mot kunne. An de eêne kaante
dienke m'n da m'n rieker oare bin mee 'n bitje kleur en variaosie in dat
blaanke laand van oöns in an de aandere kaante magge m'n 't nie bie de
naème noeme. Da's toch raor?.
De man van de Automaèt, in z'n ribfluweëlen uniform ao daè nog gin
gewetensbezwaèren van in wilder ok nie. M'n keke mee verlangen uut naè
de aèventuren van Puupje Drop en beseften nie da m'n d'r eigenlijk kwaèd
mee deeje.
Toe ik eindelijk de kinderklompe was ontgroeid wier ik lid van de N.J.N,
de Nederlaandse Jeugdboönd vö Natuurstudie. In de vrieë weekenden
gienge m'n mee 'n groep jonge ménsen de natuur in. Ooit waandelden we
op Aèmstie achter 't vliegvèld, op zoek naè voorwerpen as stikjes geraèmte
van knientjes in uleballen. Vö 'n goed begrip, uleballen bin aèrballen mee
botjes in aèr van muzen in zö, die deü uien uut-espogen oare. Aanders
raèke ze die smeerlapperie nie kwiet, begriep je wé? Plotselieng stopte d'r
'n vint mee z'n fiets bie oöns. "Julder magge ier nie loape," schreeuwde d'n
kwaèd.
Da was nèt in d'n tied da m'n oöns nie aolles mï liete zégge.
"Waèrom nie?" vroeg m'n vriend Wim de Vos, d'n brutaolsten van oöns
aollemaèle.
"Ier is verbode terrein," doönderde de man.
"O ja, in wie bin jie dan wè?" kloönk de nieuwsgierige vraèg.
Aflevering 181 najaar 2013