Nehalennia voorjaar 2015 nr. 187
dacht voe kleêderdrachten, voe ambachten, voe gebruken,
voe spel, voe vêsjes en dan de woorden verdudelijkt in
voorbeeldzinnen, in gezegdes en uutdrukkingen. Het is
van gin wonder dat ze d'r 35 jaer an ewerkt eit. Mevrouw
Dr. Ha. C.M. Ghjsen ei zeker een standbeeld verdiend, een
standbeeld dat a dan tevens het belang van het woorden
boek onderstreept. Mae het is noe eênmal leuker om een
beeld van een mens te en dan van een boek. Eêl Zeêland
en aolle toeristen kunne dan zie da Zeêland een eigen taal
eit, dat wil zegge per streek min of meêr een eigen dialect.
Zó een beeld kost nog a wat. Me stelle ok óge eisen: een
professioneel kunstenaer mot het maeke, het mó van
ardsteên weze op een moaie sokkel en het mó komme in
Domburg, omda ze daè eweund eit. Aol mie aol 25000,-
en dan motte d'r gin gekke diengen gebeure. Mae dan
je ok wat om groas op te wezen. Inmiddels is t'r zó een
15.000 binnen en noe mó 't leste bitje d'r ok nog komme.
Iedereên kan d'r an meedoe deur BEELDgenoot te worren.
Voe een tientje bin je dat a en dan krieg je ok nog vuuf
leuke woordkaarten cadeau, dieng je ok mee naè een ca
deaubon en een menute gratis wienkele bie de Agrimarkt.
Zie de folder die a je mee'estierd ekregen eit. De actie lopt
toet eind maerte. A je mie naem en toenaem enoemd wil
worre op het bord dat a bie het beeld komt te staen, dan bi
je meêr kwiet as een tientje, mae het is natuurlijk wè deftig
a je in Domburg een keurtje maèkt en je kan zegge 'kiek
daèvoe 'k een flienke douw an de karre egeve'. De giften
bin ok nog aftrokbaer.
A je meêr wil wete dan kiek je op www.zeeuws-woorden-
boek.nl of je bel 013 351317.
Engel Reinhoudt, Jan de Jonge, Kees Martens
0p merote
Bin julder wè 's op merote geweest? 't Za wè, want reize
is eêl gewoon gore. Noe, dan weet je ok wè, dat je j'n eihe
vooruut blie kan zitte maeke op wat je aomè gae zie in
beleve, ma dat 't nie aoltied meezit. Je kan natuurlijk j'n
uus nie zóma achterlaete. Dust 'r is vee waark te doen vó
dat je zeit: me gae. Je trek de deure achter je dicht in je
dienkt: zó, noe gae m'n wat beleve. Endrik in de vrouwe
dat eêl dikkels edae. Wie varre reizen maekt kan vee
vertaale in dat zou ik noe ok kunne doe, ma dan is Neha
lennia te klein. Wulder jammer genocht verscheie keren
mee'emaekt dat 'r overa maansen bin, die op 'n makkelijke
meniere rieke wille 'ore dü aore maansen lichter in de por-
temenee te maeken. Zó aode m'n van de kinders as kedoo
vó vuufentwintig jaeren trouw vuuf daehen Barcelona
ekrehe. Je za 't nie g'loave, ma ons bin in die vuuf daehen
vuuf keer beroafd. Nae de eêste keer gienge m'n nog nae 't
plisieburo. Je dienk zaalf dat je zó stom bin geweest dat ze
de gelehenteit ekrehen om joe van je camera te beroaven,
ma dan bin d'r wè aarg vee stommerds, want op 't buro
zaete nog zó'n twintig slachtoffers. Ik dikkels edocht: die
rot lui bin wè vakmaansen!
As ik eerlijk mot weze, dan aode m'n eêl slechte ervaerien-
gen in Zuud-Amerika in ok in Spanje in Portuhal. Nooit
in Azië. Daer m'n eihenlijk enkelt aordige maansen ezie,
die blie waere dat ze ulder kleêderdracht konde laete zie
in ulder menieren. Die groós waere as je foto's nam in eêl
graeg mit je zouwe wille praete. Ma jao, wulder konde gin
Chinees of Maleis of aol die inhewikkelde aore Oosterse
taelen. Ma m'n d'r goeie erinneriengen an overg'ouwe.
Dat was 'n stik minder toe dat ons in de latijnse landen
waere, om 't zó ma 's te zaahen.
M'n van onze reizen ok vee op'estoke. Bevobbeld, dat
wulder van aore volken konde lere wat echte gastvrie'eid
is. Me bin nog a 's evrohe om mee te eten mit de femielje.
Op Kreta waere m'n an 't loapen in 'n durpje in dae zat 'n
groóte femielje op straete t'eten. De vaoder dee ons trek 'n
stoel anwieze in ons moste meedoe, 'n Glaesje raki is dan
't minste, ma dae mó je mee oppasse, want dat ze zaalf
emaekt in dat is gauw meer as 50%. M'n aode trouwes net
in 't 'otèl ehete, dust m'n 't ma bie de karpoesie waeter-
meloene) gelaete. Kiek, dat bin dan wi de leutihe diengen
om mee te maeken a je op merote bin.
Henk Blom (dialect Schouwse Westhoek)
'ne Mouternist
Een mailtje. Mare Buise, een Hulstenaar die op velerlei
gebied actief is: gids in Saeftinghe, vogelkenner, -teller en
-beschermer, bestuurslid en mederedacteur van OHK De
Vier Ambachten en zo nog het een en ander.
27
