m
5>
m
Mien verzaemelieng
Verzaemele
Spellekussens
Oejespellen
24
Ouwe verzaemeliengen.
Bezint eer ge begint.
In de vorige Nehalennia lazen we, dat met ingang van
2017 een nieuwe rubriek gelanceerd zal worden in plaats
van de Kiekplaete. Dat zullen verzamelingen zijn. Jopie
Meerman nam daarop een voorschotje en schreef daarover
haar gedachten neer.
't Za 'onder'and vuuf jaer trug weeze da k 'n stikje schreef
voa Nehellania over Verzaemele. En kiek noe toch, in 't
afgeloape nummer van ons moaie blad stong 't er 'n stikje
van Pau Heerschap. Dat gieng over 'aller'ande verzaemel-
diengen.
Noe mó'k zegge dat er nae dat ik toendertied over mien
spulletjes schreef, noga wat veranderd is bie mien tuus.
Ons bin ver'uusden zodoende è'k vee minder ruumte
binnen en buuten.
Ons bin naen appartement gegaen, en vee van de rom
mel die buuten stieng, is noe weg. De Keulse potten, die
Duitse lesbiese vrouwen dus, bin nae 'n opkoaper gegaen.
'n Groat deel van d'n inoud van onze boekekaste mocht
mee. De moaiste gedichtebundels, die staen noe in ons
nieuwe 'uus. En de boeken in 't Zeeuws en over Zeeland
nie te vergeten. D'n 'andelaer kon alles gebruuke, en ons
waeren d'r moai vanaf.
En indertied vertelden ik oak da'k spellekussens bie
mekoare krauwden. Nou, dat waeren d'r ommennaebie
wè 350. Laet dae noe nie genog plekke voa weeze, die bin
mit iemand meegegaen die op rommelmarten stieng mit
'n kraem. Wie zat zegge, ebben julder deze zeumer 'n
spellekussen uut mien verzaemelieng gekocht. En mis
schien waeren julder d'r net zo blieë mee as ik toen ik ze
anschaften.
Ma de aller belangriekste kussentjes voa mien staen noe
'ier te pronken in 'n moaie vitrinekaste.
Eèn van de betekenissen van verzaemelen is ommers:
spullen bie mekoare krauwe wae vee gevoelswaerde an
vast zit.
In dat eigeste kastje wae de spellekussens laegen te pron
ken, bin oak m'n oejespellen te zien.
Oak nie allemae meê, ma nog genog om d'r stik groós op
te wezen.
Zo kon 't gebeure dat mit Koningsdag m'n oagen op 'n
moai exemplaar viele. Dat was nie op 'n rommelmart, ma
op d'n 'oed van Hare Majesteit.
Kieknoe is 't zo dat 'n echte collectioneur,das 'n moai
woord voa mensen mit zo'n hobby om alles te vergaeren
vee moeite wil doen om 'n collectie uut te brei'jen. Ik bin
zo vrie gewist om Maxima te schrieven en te vraegen of ze
d'r nie eêntje over'ad die ze nie meê gebruukten.
En gelieks ebb'ik ze toen 't Ollandse gezegde 'Nie geschote
is altied mis, geleêrd. Zo is 't toch
En ik dee d'r 'n foto van 'n stikje van m'n verzaemelieng
bie.
D'r giengen 'n pae weken overeêne, en toen kreeg ik 'post
trug van 't paleis. D'r zat niks in d'n enveloppe, geen
oejespelle dus, ma wè 'n eêl vriendulluk briefje van die
mevrouw die alles voa H.M. regelt. En die brief lei noe
oak bie m'n verzaemelieng. Da's toch oak nie niks..zei noe
zelluf.
'n Pae jaer trug is 't er 'n ome van m'n man gestorreve,
toen 'ebben ons dae allerande spulletjes opgeruumd. Dae
laegen schriftjes van 'n tante bie. Die tante was toen ze
stierf ruum 't negentig en z'ad as kind oak verzaemeld;
lucifermerken, sluutzegels, voebalplaetjes.
Die schriftjes kon ik netuurluk nie weg doen, d'r zit bezon-
der vee bie dat 't bekieken waerd is.
Julder begriepen noe onder'and wè, het verzaemelen op
zich zit 'n bitje op z'n gat, ma de bezittingen die 'k in de
loap van de tied vie mekoare vergaerd, opgepot, bie-eên
gebracht 'ebbe, dae doe'k zoma geen afstand van.
Dae 'eb ik 'n slecht voabeeld van. Alles wat je weg doet bin
jie kwiet. In 't begin schreef ik toch dat 'n opkoaper van
alles meenam. Nou, ons weunden 'n pae daegen in ons
appartement. Toen zei m'n man, ik missen m'n stoeltje
om 's aevus m'n kleêren op te leggen. Dat 'adden ons dus
meegegeve mit die vint.
D'n oaren dag ons trug om dat stoeltje, wat dienk je ons
mosten 't voa vee geld terug koape!
Tholen, Jopie Meerman-Ottevanger
r SS3